عاد من جديد بقلم ايمان شلبي

اللي حصل بس
يونس وهو بيشاورلهم بتعب 
متعتذرش ياكابتن
وبصلي بعتاب ونظره عمري ما هنساها كانت كلها حزن وخذلان 
العيب مش عليكم العيب علي مراتي
الكل اعتذر منه ومشوا وهما مش طايقين يبصوا في وشي بسبب اللي عملته
قربت منه وانا يسأله بنبره كلها دموع 
ا انت كويس
ضحك بسخريه وهو بيشاورلي
علي نفسه 
جدا حتي شايفه منظري انا كويس اوي
حطيت وشي بين ايديا وانا بعيط بحرقه 
ا انا اسفه ا انا مكنتش اعرف ان الموضوع هيوصل لكده و...
صړخ في وشي مره واحده وهو بيهزني من اكتافي
مكنتش تعرفي ايه 
ازاي مكنتيش تعرفي معندكيش عقل مخك اتشال واتحط مكانه جزمه قديمه !
هيجوا يقولولي بكل هدوء ابعد عنها ياكابتن وخلاص خلص الموضوع !
انا نفسي لو بنت جت قالتلي كده هروح ادغدغه انتي ايه ياشيخه للدرجادي غبيه
كل ده ليه عشان ايه عشان خۏنتك عشان ډخلتي لقيتي واحده في حضڼي فسرتيها علي طول اني بخونك !
رديت بعصبيه
اومال ايه لما ادخل شقتي والاقي واحده في في حضڼ جوزي يبقي افسرها بأيه افسرها بأنه بيسلم عليها سلام اخوي!!!
زعق فيا مره تانيه وعروق رقبته بارزه 
لا بس تسمعيني تسمعي الحقيقه كامله مش تاخدي بعضك وتمشي وترفضي تسمعي اي حاجه ترفضي تقابليني وتصري علي الطلاق
ربعت ايدي وانا بهز رجلي بعصبيه 
اي واحده مكاني كانت هتعمل كده
اي واحده مش بتثق في جوزها اي واحده عارفه أن جوزها بتاع بنات اي واحده جوزها مش بيحبها انما انتي عارفه اني عمري ما اعمل كده عارفه اني بحبك عارفه اني عمري ما اخونك عارفه انا تعبت قد ايه عشان نكون سوا ولسه بتعب وبعافر عشان أرجعك ليا بالرغم من انك رفضتي تسمعيني!
دموعي نزلت علي خدي وانا بصړخ في وشه 
ماهي المصېبه ان انا عارفه كل ده هي ديه المشكله لما اكون واثقه فيك وواثقه انك بتحبني لما اكدب الدنيا كلها واصدقك انت وفي الآخر تخوني لما اطير لفووق لفوق اوي من غير خوف اني اقع وفي الآخر اقع علي
اتكلم يايونس دافع عن نفسك قول كل اللي تقوله بس متلومش عليا ارجوك متلومش عليا
هششش كفايه عياط
واتنهد بحزن 
انا هحكيلك اللي حصل
وبعدني عن حضنه وهو بيبص في عيوني بقوه 
وبلع ريقه وهو بيقول بعتاب 
بس عايز افكرك أن اللي بيتكسر مش ممكن يتصلع ابدا
اليوم ده رجعت بدري من الشغل
وبصلي بحزن 
رجعت عشان احضر البيت لعيد ميلادك قبل ما ترجعي من شغلك
كنت جايب تورته وجاتوه وكنت متفق مع كل صحابك يجوا قبل ما توصلي عشان لما توصلي تتفاجئ
كنت قاعد يحضر حاجات لحد ما يوصلوا ويساعدوني لقيت الباب بيخبط روحت فتحت لقيت ولاء استغربت وجودها مع أن كان لسه بدري جدا
اتحرجت وقولتلها ان مفيش حد لسه جه بس هي مهتمتش زقت الباب ودخلت وحطتني قدام الامر الواقع
مكنتش عارف اعمل ايه اكرشها ولا اخليها مقدرتش اكرشها أصلها جايه حفله عيد ميلادك عشان تفاجئك معانا عيب اوي لو قولتلها تخرج برا البيت !
استأذنت منها ودخلت الاوضه مكنتش عارف اتصرف كنت عايز اعمل اي حاجه عشان تخرج قبل ما اي حد يوصل ويشوفها موجوده معايا ولوحدها اكيد هيفتكر غلط
قعدت افكر في حل لحد ما الوقت عدي ومحستش قومت بسرعه اكمل اللي كنت بعمله وقولت هتجاهلها يمكن تحس وتخرج
بس للاسف مخرجتش بل بالعكس عرضت عليا تساعدني رفضت في البداية لكن مع إصرارها وافقت قولت اهو لو حد وصل تكون حجه مع أني عارف ان وجودها من اساسه غلط
ك كانت واقفه بتعلق بلالين وانا كنت
واقف