ياماما دا شيخ

ولا لا بس انا هعرفك بنفسي. 
انا مراد عز الدين متخرج من كلية الدعوة الاسلاميه جامعة الازهر خاتم القرأن بفضل الله وحاليا بشتغل في المسجد اللي ع اخر الشارع زائد ورشة والدي.. هو الحقيقة انا مش بعرف اتكلم كتير بس شوفي انتي عايزة تعرفي اي وانا هقولك..! 
هزيت راسي بمعنى لا
ابتسم وقالي طب مش هتعرفيني عن نفسك. 

رديت بصوت مش طالع اصلا
_عشق ابراهيم متخرجة من كلية تجارة وللأسف مش حافظة القرآن 
ابتسم تاني وقالي 
بتصلي.. 
_الحمد لله
تمام ربنا يرزقك حفظ كتابه
امنت ع كلامه وقالي
عايزة تضيفي حاجة.. 
_اتنحنحت عشان صوتي يطلع.. الحقيقة اه
اتفضلي
_انا بحب الغنا وحلمي اني ابقا مغنية كبيرة في المستقبل وتقريبا قربت احقق الحلم دا لاني قدمت في برنامج للمواهب ومستنية اتقبل
وللصدمة لقيته وافق لا وبنفس الابتسامة.. الواد اټجنن باين لا لا هو تلاقيه مسمعنيش انا فضلت متنحاله تتنيحة سودة بعد م كنت باصة في الأرض.. مشيوا وبعدها بأسبوع اتصل ببابا وبابا قاله اني وافقت..اعمل اي يعنيمنا ملقتش حجة عشان ارفض..يعني مش عشان انا مرتاحه ومبسوطة.. تؤتؤ عشان ملقتش حجة
واتخطبنا لمدة شهرين مكنش بيكلمني فيهم خالص لدرجة اني قولت انه فكر في كلامي وهيسيبني وكنت مړعوپة من الفكرة دي لغاية ما في يوم لقيت بابا جي من المسجد وبيقوليانا قابلت مراد النهاردة واتفقنا ان الفرح الاسبوع الجاي لان الشقة جهزت خلاص ومفيش داعي للتأجيلكنت مبسوطة حد السما بجد..
ماما قالت اننا هنعمل حنة بنات مع بعض وكنت بجهز انا ونوجا واسما في اوضتي جهزنا وطلعنا 
وقعدنا نهزر ونضحك وبعدين اسما قالت..
_يلا بقا ي نوجا ننزل بالمفاجأة..
مفاجأة اي..
لقيتها جابت دف وبدأت تغني..
اسما
فارس حلمك تتمنيه والي حلمتى في يوم تلاقيه
بيكون وصفه يامسلمه ايه
يلا قوللنا واحكي عليه
عشق
ماتشوف عينه الا حلاله
ولا غير ربه بيشغل باله
ويطاطي ويراضي الوالد
والوالده بتبات دعياله
ومصلي والمولى هاديه
نوجا
قولي كمان ياصبيه عليه
فارس حلمك تتمنيه والي حلمتي في يوم تلاقيه
بيكون وصفه يامسلمه ايه يلا قوللنا واحكي عليه
عشق
يتعب جسده ويعرق اكتر لجل ما يرتاح قلبه الاخضر
وبيرجعلي بايده نضيفه 
نفسه عفيفه وزي السكر
وطيابته بتبان في عنيه
اسما
قولي كمان ياصبيه عليه
فارس حلمك تتمنيه والي حلمتي في يوم تلاقيه
بيكون وصفه يامسلمه ايه!
عشق
بتمنى انه يقدرني
يبقى ولي القلب وامري
والي لو تطول اوقاته يبقى ونيسى ونجمي وقمري
وانا عمري والروح اعطيه
ادي الي حلمت اني الاقيه
اسما ونوجا
امر العاطي انك تلاقيه زي ما كنتي بتحلمي بيه
واهو جالك دلوقت الفارس يسعد قلبك ويهنيه
كان يوم مبهج جدا حقيقي وانبسط اووي اووي بيه..
تاني يوم كتابنا الكتاب في مسجد الحي وبعدين لبست فستان أبيض بس بسيط كدا ولفيت الخمار وروحناا عملنا سيشن وبعدين روحنا مركب وطبعا دي كلها افكاري انا طول عمري بحلم بفرح بسيط شبه كدا ويبقا يوم مميز لينا احنا الاتنين والحقيقلبي مراد وافق ع كل اللي قولته وقالي دا يومك وافرحي بيه ذي ما انتي عايزة
اخر اليوم كنا قاعدين ع كورنيش النيل و كنت ساندة براسي ع كتفه واتكلمت..
_مراد
عيونه
_هو انت ليه اختارتني انا مع اني مش شبهك..
اولا مش انا اللي اختارتك ربنا هو اللي زرع حبك جوايا ودي حاجه مش بإيدي..ثانيا مين قال ان عشان نتجوز لازم نكون شبه بعض ليه منكملش بعض..! اصل الجواز مش ان انا حلو اخد الحلو اللي شبهي او اناا وحش فاخد الۏحش اللي شبهي..ومش قصدي كمان انه نختار اي حد والسلام..لأ نختار صح بس فيه اخطاء نقدر نصلحها مع الوقت وفي الاخر كل شئ قسمه ونصيب وانا الحمد لله نصيبي طلع قمر اهو
هو انا ينفع اقول
اني وقعت فيه