روايه بقلم اسراء جمال
زاحم القرءان شيئا إلا باركه عجبني أوي إرتباطهم بالقرءان والهدوء اللي كان باين عليهم عرفني فعلا معنى كلامهم.
تقدري تروحي المبنى التاني إنتي النهاردة بتعرفي أساسيات رحلتك لسه.
وبدأت أستكشف المكان روحت المبنى اللي وصفهولي المرة دي كان مختلف تماما..
كان مبنى اللي فيه كلهم تعبانين من الواضح إنهم بيضغطوا على نفسهم جدا حاولت أسأل بنوتة ولما عرفت إن جديدة دخلتني عند أوضة كده وفهمت كل اللي فيها نظامي.
إنتي طبعا مستغربة اللي هنا.
_في الحقيقة أه.
دورنا مختلف جدا لازم قبل ما تبدأي الرحلة تتعلمي إنها مش هتكون رحلة وردية لازم تدركي ده كويس أوي مش دايما هتلاقي نفسك قادرة ولو قلتي هعتمد عالشغف مش هتعرفي الشغف يومين وهيطير ومحتاجة أفكرك بنقطة مهمة أوي الشغف بيتبني مش بيتلاقى إفتكريها كويس أوي وخليها زى الحلقة في ودنك متفتكريش إنك هتبدأي بحماس هتكملي فيه ظروف الحياة مش هتقف تستناكي لازم تتعلمي تكملي رحلتك في كل الأحوال إنتاجك في المزاج السئ زى إنتاجك في المزاج الحلو أول ما تتعلمي النقطة دي صدقيني هيفرق في رحلتك جدا هتعرفي تنطلقي.
هدف الرحلة دي إنها تدربك التدريب الحقيقي مش مجرد كلام على ورق أو فيديو تسمعيه المرة دي هتدخلي التجربة بأكتر طريقة مختلفة.
برغم إن دخلت المبنى التاني إلا إن كنت مازلت تايهه حاسة إن المكان مش مكاني والزمان مش زماني كل ده حصل علشان كلت الفرختين ياريتني ما شفتهم.
_جاهزة للمبنى التالت
نهار أبيض هو فيه تاني.
_أول تلات مباني بتكون أهدافهم واضحة بعد كده بتكتشفي الباقين بنفسك في المغامرة.
مغامرة!
_فيه مغامرة هتكتشفي فيها بنفسك كل حاجة.
كنت حاسة إن بتعامل بالألغاز بس قررت أصبر لحد ما أشوف هوصل لإيه.
أيوة.
_على بركة الله يارب جيب العواقب سليمة يارب.
دخلت التالت بس ده كان فاضي ملوش معالم حزن ولا فرحة يا ترى حكايتكو إيييه إنتو كمان.
فضلت ماشية تايهه مفيش حد يدلني عالطريق كنت منتظرة حد بس مفيش لحد ما أنا قررت أخد الريسك وجربت بنفسي ماهي كده كده خربانة جربت أخبط عالباب اللي في اليمين محدش رد ف جربت أخبط عالباب الشمال فصلت أجرب كل الطرق لحد ما حد فتح في الناحية الشمال.
_مساء الخير إتفضلي.
أنا طلع عيني على ما وصلتلكو.
_كنتي تايهه
ده أكيد.
_أهو ده بالظبط طريقك في الرحلة بعد ما تحسي إنك ډخلتي الطريق ولقيتي شغفك وبدأتي في مرحلة إنك تتعودي تنتجي في كل الظروف هتلاقي نفسك هتتوهي في وسط الرحلة يا ترى أنا بعمل إيه أنا جالي فتور ليه!
يا ترى الرحلة دي لو طلعت مش هدفي ولا اللي بتمناه هعمل إيه!
وقتها هتروحي تجري على كل حبايبك وتطلبي منهم يساعدوكي بس مش هيعرفوا لأن لازم تجربي بنفسك الرحلة علشان تكوني عارفة هي فعلا مناسبة ليكي ولا لأ الطريق ده اللي إنتي فعلا بتدوري عليه ولا محتاجة تغيري الطريق زى ما خبطتي عاليمين محدش فتح بس لما خبطتي الشمال فتحنا ولقيتي غرضك وهي دي رحلة الحياة لأن لازم تجربي بنفسك علشان تشوفي المناسب ليكي إنتي ولحياتك إنتي الناس هيقلولك حلول على اللي شافوه من حياتهم هما على ظروفهم هما ودماغهم بس حياتك إنتي الوحيدة اللي عايشاها وإنتي الوحيدة اللي تقدري تجربي وتقرري.
حاسة الموضوع بقى كبير عليا وأنا مجرد بنوتة كان مالي ومال رحلات إكتشاف الذات دي كنت قاعدة
