ضوء القمر بقلم سحر السحرتي

حاجه
مش هعرف انام من صوتكم لانه بيجيب لاخر الشارع
رد يوسف سريعا 
هنلعب في اوضتي ومش هنطلع صوت 
واغمضت عينيها
انت بتدبسني انا عايزه ازحلقه
يا بنتي مصلحه يذاكر لك ايه المشكله هو احنا اللي طلبنا هو اللي اتطوع
في ايه مالكم مغمضين عينيكم هي الاضاءه عاليه 
ابدا بس دي حركه بنعملها بنغيظ بعض بيها
ازاي يعني
حاجه بين التوام ما تاخدش في بالك عازمنا على ايه بيقولوا المشويات هنا تحفه
اللي تطلبه توليه
وتولين مش عايزه حاجه كلوا انتم
لا لازم تاكلي عشان تعرفي تذاكري وتحلي في الامتحان 
كيف سيساعد زياد تولين لتخرج من أزمتها وهل ستعود علاقتهم سويا ام تزداد سوءا
ضوء القمر 
حلقة ١٦
جلس زياد مع تولين ويوسف في المطعم وبدا في التحدث معها 
انت عرفتي ان في رحله بعد الميد ترم كامب في الفيوم لمده ثلاث ايام ايه رايك تطلعي 
لا عندي تمارين ومش هقدر 
ازاي ده معظم الفريق اصلا طالع هي معموله لكم انتم بالذات
وازاي يعني معظم الفريق ليه مش كله
اصل في كليات عملي هيكون لسه عندهم امتحانات 
يوسف فرصه حلوه يا تولين سافري تغيري جو 
قالت بعصبيه هو انت غاوي تدبسني وخلاص 
رد زياد بخجل لو شايفه انها تدبيسه خلاص بلاش ما تضايقيش نفسك كدة
خجلت تولين من نفسها اسفه ما اقصدش بس مجهده واعصابي تعبانه شويه من ضغط الامتحانات وفي حاجات كثير مش فاهماها 
طبطب على يدها طب ممكن اشرح لك كل اللي واقف معاكي وهدفعك ثمن الدروس ما تقلقيش مفيش حاجه ببلاش ههههه
يوسف اخص عليك يا زياد هتاخذ فلوس مننا ده نسب ايه ده
هو انا قلت هاخد فلوس هتغني لي في الرحله كل الاغاني اللي بحبها اظن كده عدل 
يوسف عدل قوي كل واحد يتبادل تخصصه 
بقلمي سحر السحرتي 
مرت ايام الامتحانات كان زياد يوصل تولين الى المنزل ويبقى معها يشرح لها ويحضر يوسف لهما الغداء اوقات واحيانا كان يطلب لهم زياد الاكلات المفضله لدى تولين 
بدات تولين تخرج من حالتها النفسيه السيئه وقلبها يحن اكثر لزياد 
بدات الكدمات التي بها تختفي فذهبت لزياره امها وارتمت في حضنها 
وحشتيني قوي يا ماما
مالك في ايه منعتيني اجي البيت عشان بتذاكري وعرفت ان يوسف وزياد معاكي بس حاسه ان في حاجه حصلت وانتم مخبيين حاجة ايه ده وشك ماله 
بصراحه كنت وقعت من على الاسكوتر بس بقيت كويسه 
دخل زياد ورأى تولين
انا بقول البيت منور ليه انت خلصت امتحانات وطرتي على ماما ولا جايه تشكري احسن دكتور شرح لك 
ضحكت ليه هو انت مش هتاخد اجرتك في الرحله لازمتها ايه بقى اشكرك
هدى رحله ايه استني .... ليه ما قلتليش انك وقعتي من على الاسكوتر وانت يا زياد كنت عارف
دي واقعه صغيره ما هي قدامك زي القرد اهوه
ورحله ايه وطالعين مع بعض ازاي
كامب للفريق وطالع اشراف عليهم ما تقلقيش عيني هتبقى عليها 
ما القلق منك 
فضحك الجميع 
خلاص روحي وغيري جو انا واثقه في زياد هتروحوا دهب ولا سانت كاترين
لا الفيوم 
صړخت هدى الفيوم لا بلاش الجو برد هناك
في ايه يا ماما انت كنت موافقه من دقيقه ويوسف وافق ايه اللي حصل خلاكي منزعجه كده
بصراحه انت مسيرك هتعرفي دي بلد جدك وممكن تشوفيه هناك 
يعني ممكن اشوف بابا هناك
ردت هدى بتوتر
بابا ايه انت عارفه ان بابا مسافر بابا ايه اللي هتشوفيه هناك 
خلاص يا ماما عرفت كل حاجه يوسف حكالي وفهمت ومقدره تعبك علينا وتحملك المسؤولية 
يا حبيبتي كل الامهات بتعمل كده بترمي نفسها في الڼار عشان ولادها
لا بس انت استحملت كثير قوي 
واحتضنتها ووجدتها فرصه للبكاء حتى لا تستطيع امها السؤال عن السبب 
زياد فعلا يا طنط مش كل الامهات بتستحمل زيك في امهات بيشيلوا اولادهم فوق طاقتهم ويمنعوهم عن الحاجه اللي بيحبوها عشان مصلحتهم 
لم يدرك انه يتحدث عن والدته ولكن هي ادركت ذلك 
ما فيش ام مش بتحب اولادها بس كل واحد بيربي اولاده ومفكر انه بيستخدم الطريقه الصح وربنا هو اللي بيوفق الانسان في التربيه فهمتني يا حبيبي
بقلمي سحر السحرتي
دخل عماد الله القمر عندنا انا بقول البيت محلو النهارده 
ضحت تولين هذا الشبل ازيك يا اونكل 
عماد انت وحشاني كثير لازم تباتي معايا هنسهر سوا وتغني لنا بس وش القمر في حاجه
في ايه يا جماعه هو انا اول واحده تقع من فوق الاسكوتر 
هو الاسكوتر اللي شلفطك كده
ما انا حاولت اوقف برجلي بس نسيت واستخدمت رجلي المعاقه 
عماد بحدة ما سمعكيش مره ثانيه تقولي على رجلك او على نفسك كده لعلمك كل الناس معاقه في اللي في تفكيره وفي اللي في روحه بس انت اجمل من كل دول 
شكرا يا انكل يعني حضرتك شايف اني مش معاقه وان اللي في حالتي دي يقدر يتجوز ناس كويسه وسليمة ويشفوا اني مش ناقصني حاجه
مش بحب فيك تلقيح الكلام وكلنا فاهمين انت تقصدي ايه 
وقرصها من وجنتيها وقبلها في راسها واكمل 
انا بحب فيك قلبك الطيب بلاش تحوليه الي سواد اللي بيسامح قلبه بيفضل ابيض سامحيه حتى لو مش هترجعي له
زياد حلو الكلمتين دول بس اخر كلمه دي بلاشها خليك محضر خير 
عماد لازم تاخد قرارها بنفس مرتاحه عشان ما تندمش بعد كده وانا معاها في اي قرار 
هو انت ابوها ولا ابويا
ابوها 
واحتضانها
تولين شكرا يا اونكل ايوه كده احس ان ليا ضهر عشان لو فكر يقل عقله يلاقي اللي يوقفه
زياد طب بمناسبه الظهر تعالي معايا مشوار عن اذنكم
هدى على فين
انا كنت راجع اغير هدومي وهكلم يوسف وتولين نروح مشوار فبما انها هنا هغير واخدها ويوسف يحصلني 
هدى برده فين
كوفي شوب عايزها تغني ثلاث ايام في الاسبوع ساعتين هاخدهم يشوفوا المكان ولو عجبهم حضرتك تروحي 
بس انت عارف شروطنا
عارف يا طنط هي توافق مبدئيا والموافقه النهائيه لحضرتك 
خرج هو وتولين وركب السياره واتجه الى مخزن قديم لوالده 
انزلي 
قالت بتوتر انزل فين هو المكان ده بتاع ايه انا خاېفه
ما تخافيش وانت معايا يوسف زمانه وصل جوه 
يعني يوسف جوه 
اه مش مصدقاني
طب استنى دقيقه استجمع شجاعتي 
بقلمي سحر السحرتي
واغمضت عينها يوسف زياد واخذني في مكان مقطوع وبيقول انت جوه
اه ادخلي انا جوه ما تخافيش 
تنفست وتحولت من الخۏف للطمانينه
ايه ده معقول اطمنتي على طول كده 
اه هو في ايه هنا 
جايب لك حقك ادخلي
حقي مش فاهمه
ادخلي وانت هتفهمي 
دخلت وجدت حاتم مربوط ومعلق ويوسف يسدد له اللكمات فصړخت واسرعت تسدد له الصڤعات 
ووجدت عصا خشبيه ملقاه على الارض فامسكتها وبدات تضربه وهي تبكي وتصرخ وتسبه 
فامسكها زياد واحتضانها 
كفايه يا حبيبتي خلاص انا هجيب لك حقك ما تخافيش عايزاني احبسه او اقتله اللي انت عايزاه 
ادخلت راسها في صدره
انا اللي هقتله بايدي زي ما كان عايز يذبحني 
ثم انتبهت انها داخل حضڼ زياد وانتبهت انه على علم بكل شيء 
انت ..... انت عرفت ازاي
لما شفتك فهمت انها مش مجرد وقعة اسكوتر وسالت يوسف
ليه يا يوسف .... ليه عملت كده
انا اسف كنت متكتف ومش عارف اجيب لك حقك حسيت انه الوحيد اللي هيقدر يساعدني وفعلا جابه هنا في مخزن قديم لوالده
حاتم يا اخوانا الحبيبه خلصونا ناويين تعملوا معايا ايه انا مش هسكت وهاخد حقي
زياد مش لو طلعت من هنا على رجليك 
تذكرت تولين استغلاله لعجزها فامسكت العصا مره اخرى وضړبته على اقدامه 
انا هفضل اضربك على رجليك لما تفقدهم عشان تحس نفس الاحساس بالعجز اللي انا حسيت بيه وايدك كمان المقرفه دي اللي لمستني 
وضړبته على يديه.
وعينك كمان اللي شافتني 
امسكها يوسف هذه المره 
خلاص كفايه كده يا حبيبتي سيبيه يستريح ونكمل عليه بكره هو كده اخذ علقھ النهارده كل يوم من ده لحد ما ېموت لوحده متعلق 
وحملها وخرجوا جميعا من المخزن
زياد للحارس لااكل ولا ميه وتسيبه متعلق كده ولو هرب هعلقك مكانه فاهم
الحارس امرك يا زياد بيه 
بقلمي سحر السحرتي
ركبت تولين السياره وهي تبكي 
ليه يا يوسف قلت لزياد ليه كنت سالتني .... لو كان في مجال نرجع لبعض كده مش هقدر ارجع له
زياد سمعها ليه يا تولين بتقولي كده 
انت ركبت امتي انت مش كنت واقف مع الحارس 
ردي عليا ليه بتقولي كده 
زمان ذليتني باعاقتي مش هستحمل
يوسف ممكن تسيبنا مع بعض انا هرجعها تبات مع طنط عايزه اتكلم معاها كلمتين 
يوسف اه طبعا وشكرا يا زياد تولين يا حبيبتي عايز اقولك كلمتين قبل ما تمشي مع زياد
يوسف هيقول ايه لتولين وهل ستوافق على العودة لزياد
ضوء القمر
حلقة ١٧ 
تحدث يوسف بكل حنان وحب 
تولين يا حبيبتي زياد بيحبك وساعدنا وجاب حقك من الحقېر ده اللي عمري ما كنت هقدر اجيبه من غير ما ابلغ ولو كنت شفته في الشارع كنت هقتله ومستقبلي يضيع ومش معايا اثبات باللي عمله هو فكر واتصرف صح ارجوك اسمعيه ولو غلط زمان سامحيه هو ما كانش يقصد .... كلنا عارفين وحاسيين انه بيحبك وواضح زي الشمس زي ما كلنا كنا عارفين ان حاتم كان بيضحك على ولاء وعمره ما حبها 
ما كنتش عيزاه يعرف هو بالذات صعب عليا وعليه انه يعرف ان حد لمسني وكان .... وكان .... انا لسة ما تخطيتش الحاډثة دي كل يوم بقوم مڤزوعة من النوم وبفكر لما ده احساسي وفشل يعمل حاجه امال لو كان نجح 
قام بمسح دموعها وقبل راسها 
انا متاكد انه الوحيد اللي هيقدر ينسيك اديله فرصة تانية ولو خسرها انا معاك والمرة دي انا اللي هقفله .... زياد انا ماشي
لا اركب هنزلك على اول الطريق 
لا انا جيت بالاسكوتر بتاع تولين
وكأن عقرب قرصها وبصوت عالي
نعم ... انت بتركب الاسكوتر بتاعي من غير اذني قلتلك ١٠٠ مرة قبل كدة ما تركبهوش 
دفعها بكلتا يديه بمزح 
يا شيخة انت في ايه ولا في ايه مش كنت لسه بټعيطي فقتي دلوقتى
واد انت تروح ترجعه وما تركبوش تاني
يا بنتي انت ناسية اني دافع فيه 
ما انا دافعة في البلايستيشن وسيباك تلعب بيه لوحدك 
ضحك زياد على هذا الثنائي المچنون 
هو انتم على طول كدة مع بعض
يوسف اه الحمد لله انها بنت كنا قطعنا بعض على اللبس رغم انها مچرمة ساعات بتسرق تي شيرتاتي 
طب روح قبل ما تضربك واضح انها فاقت 
دى اللي بېلمس حاجتها لو مېتة بترجع للحياة 
مش انت اللي انسحبت من لسانك كنت قولي طلبت اوبر ههههههه وداري على نفسك اختك وانت حافظها
عندك حق ما تنساش قول لماما اني كنت معاكم احسن انت عارفها وابقى اديني خبر روحتوا امتى احسن تسالني
وانت كمان ما تنساش الكافيه طلع مش من مستواها 
تمام سلام
بقلمي سحر السحرتي
انطلق