علي بابا بقلم اسما السيد

طول ما مهران الزفت في الدار انا والله المره دي اصورلكم قتيل الله 
خالتي اتمكنت والمره دي شبشبها صاب الهدف وانا ضحكت ولاول مره بصوت ومن قلبي كمان 
ااااه أنا مت خلاص 
مۏتي البت يا ازهار 
دا كان صوت جدي اللي خرج علي صوت ضحكتي
انت بتضحك عليا يا علي باباا
متقوليليش علي زفت!
خلاص معملنليش اعتبار خيال مآته اني وسطيكم
تعالوا ورايا انتوا الجوز 
ياجدي وانا هكدب عليك ليه ابرار قاعده معانا والله من اول يوم نزلت فيه مصر 
سكت الجد شويه واتنفض
انت هتكدب يا بن سلوان أمك آخر مره كانت أهنه جالت انك مسافر
بره من سبع سنين تدرس هناك عرفت منين بقي ابرار!
انا
استغربت ليه أمي تكدب كدا 
ايوه انت مستغرب ليه أكده !
كل مرة كنت اطلب اشوفك فيها كانت تقول أكده وقفت محتار بين اني اكدب أمي ولا أنقذ المجنونه دي من ضياع مستقبلها اللي مصمم الجد عليها انها تقعد ومتكملش ودي اخر سنه ليها وخالتي مفتورة من العياط 
بصيت لخالتي اللي حطت أيدها علي راسها بحزن وكسرة وساكته وللمجنونه اللي واقفه ساكته تماما وبصراحه صعبت عليا وخصوصا بعد ما فضلت تتحايل علي جدي كتير اللي مصمم أننا بنكدب ودي مش الحقيقة مكنش في قدامي غير حل واحد
جدي ممكن نتكلم أنا وأنت لوحدينا 
اتفاعلوا يا حلوين اعطيكم اللي بعده على طول
هتتجوزيه يعني هتتجوزبه مفيش مخرج غير كده 
ياجدي بس 
مبسش عاوزه تكملي علامك يبقي تتجوزي ولد عمك ويسافر معاكي بزيادة كڈب عاد 
الصراحة منفعتش مع جدي طينت الدنيا للاسف ولأول مره اندم علي كلامي واحس بالذنب خصوصا مع نظرة خالتي كنت فاكر انها هتستسلم بس لقيتها بتقول
على چثتي اتجوز مهران الزفت ده وماشي موافقه مش عايزه اكمل تعليم 
الكل اټصدم من موقفها حتى الجد اللي بصلي بعتاب وكأنه بيعاتبني على خذلان والدتي ليهم 
خالتي حكتلي انها طلبت منها تستضيف ابرار عندها بس هي رفضت بحجة أنها قاعده في بيت عيلة ودا اللي صدمني اكتر احنا فعلا بيت عيلة بس ساكنين في مبني واحد كل واحد في شقته والمبني فيه شقتين فاضيين بنستقبل فيهم الضيوف وكان سهل نستقبل فيه ابرار الحقيقة أن محدش كان هيمانع بالعكس عيلتنا كلها كرام 
بس يا جدي انت كده ظلمتها الجواز مش بالڠصب 
قولت لجدي كده وانا وهو بنتمشي في الأرض اللي اكتشفت أن نص البلد ملك جدي 
أكده الصح يا ولدي البنته لولد عمها 
طيب ما أمي متجوزه من برا العيله!
امك عصتني يا علي يا ولدي ولولا أني روحي فيها هي واختها مكنتش سمحتها 
حقك عليا يا جدي سامحها عشان خاطري 
وانت ذنبك ايه يا ولدي امك اللي جلبها اسود كيف خالتها زمان 
كان عنده حق في كل كلمه قالها مهما وصل الأمر بينهم 
المفروض مكنش يوصل لكدا ابدا 
بس كويس انك جيت يا ولدي عشان اخلص زمتي قدام ربنا متتصورش فرحتي بيك جد ايه واني شايفك مهندس قد الدنيا دلوقتي اامنك وانا مرتاح 
ايه ده يا جدي 
دا ورث امك يا ولدي جدام الله كتبتهولها من زمان بس كنت مستني أما اشوفك كان نفسي اشوفك من زمان انت وأخواتك البنات 
بس دا كتير اوي 
دا حقها يا ولدي وانا نفسي في حاجه واحده بس 
ايه هو 
تفضل تزورني أكده ومن بعدي اوعي تبيع الأراضي دي دي شقي عمري يا علي وورث أجدادي 
انا عمري ما هقدر ابعد عنك تاني صدقني 
ربنا يبارك فيك ياولدي 
فين ابرار منزلتش تتعشى معانا ليه
روحت يا بوي فوتك منها بلا خوته 
كيف افوتني منها!
ايوا فوتك منها يا بوي الله يسيئك 
ازاي يا بنتي بس هتشبك تاني مع مهران واني ما صدجت طيبت خاطره 
لاه يا ابوي اعمامها هنيك مهتجرأش 
معلش يا بنتي ريحني وناديهالي 
كان بيت جدي جمب بيت عيلة ابرار واللي اكتشفت أن كلهم أهل وإن خالتي متزوجه ولد عمها وان جدي كبير العيلة والكل بيعمله حساب كبير وصغير والبلد كلها كمان كانت بتحبه 
خالتي مكملتش دقيقة ودخلت ووراها ابرار ومهران كانت ابرار لابسه عبايه مطرزه وحجاب بلونها كانت طلعه زي بطلة الحكايات 
اهلا يا مهران ياولدي 
اهلا يا جدي ازيك يا بشمهندس
بخير يا مهران انت ازيك
نحمد الله
جدي بابتسامة
حماتك بتحبك يلا نتعشي يا مهران 
قعدنا كلنا بس فضلت ابرار واقفه مبوزه والشرار هيطق من عنيها 
جدي قالها
بااه هتفضلي وجفه أكده يا بومه انتي!
مش هاكل يا جدي أنا كلت مع ابوي من هبابه أكده 
اجعدي يا ابرار واقصري الشړ ابوكي مش اهنه بعته لمشوار تبع الأرض من امبارح وهيرجع الصبح 
عضت شفايفها من الغيظ وقعدت قصاد مهران وفجأه دارت بينهم حرب من نوع خاص ومكدبش عليكم انا حاسس بشيء جوايا بدأ يتحرك 
مهران بهيام 
تعرف يا جدي اني هحبك جوي 
ضحك الجد وقال
واني كمان يا مهران ياولدي 
واني هكرهك جوووي 
بردو جدي ضحك وقال
بااه ليه أكده يا بنتي 
عشان سمج اوي
برقت بعيني وبصيت لجدي اللي علي ما يبدو واخد علي كده كان بيتكلم باستمتاع وبيضحك وبيرد عليها 
بردو مرجوعك ليا 
بعينك 
هنشوف 
ضيعوا الاتنين لذة الاكل وانا زهقان ومش عارف ليه کرهت مهران فعلا كان فعلا انسان سمج ومعندوش ذرة كبرياء ولا كرامه وهي زعلها وحش والدنيا غامقه وهي مقريفه وزعلانه 
بعد ثلاث أيام 
عشان خاطري يا جدي 
خاطرك غالي يا ولدي بس مهينفعش برديك 
انا حاسس اني السبب لو مكنتش صارحتك مكنش دا كله حصل 
قدر ياولدي زي ما قدرها مهران 
اشمعنا مهران 
يا ولدي البنت مينفعش تخرج برا العيلة يا ابن العم يا ابن الخال وهكذا 
وابن الخاله لا 
معرفش ليه سالت السؤال ده بس ضړبت في دماغي فكره جهنيميه لو جدي وافق يبقي انا ضړبت عصفورين بحجر واحد منه خلصت من ايناس ومن سمجتها اللي شكل سماحة مهران ومنه انتقمت وربيت ابرار اللي كل ما تشوفني تقولي يا علي بابا دي ومن ناحية تانيه قربت بين العيلتين وخصوصا أمي وجدي وفي النهاية العيشه مع ابرار مسليه عن العيشه مع ايناس الباردة السمجه 
ينفع طبعا 
خلاص يبقي انا بطلب منك ايد ابرار ياجدي ترضي بيا انا شاب وعندي ٣٠ سنه ومسبقليش ارتباط ومهندس وابن بنتك والله 
ضحك الجد وضحكته ريحت قلبي
وقعتك بنت ازهار يا علي!
كله قدر وهي قدري وامري لله 
علي چثتي اجوزك يا علي بابا انت 
هتتجوزيني يا ابرار وألا 
وإلا ايه 
أقسمت بالله اخلي جدي يجوزك مهران دلوقتي 
متقدرشي