وصيه عمي بقلم ميمي عوالي
إحدى بنود العقد البند الخامس اللى بيحددلى سنة ما اقدر اقدم استقالتى
حاتم بدهشة وانتى ناوية تستقيلى
نيللى مش يمكن ما استريحش
حاتم البند ده عشان الناس تحس ان فى التزام لكن انتى صاحبة مكان يعنى ممكن تشتغلى من غير عقد اصلا لكن انتى اللى حابة تتعاملى زى الغريب
نيللى وهى تسحب قلم وتوقع على العقد انا حابة كده مابحبش الواسطة ولا المحاباة
نيللى شكرا انا دلوقتى هيبقى مكتبى أو المكان اللى هشتغل فيه فين ومين اللى هيسلمنى شغلى
حاتم وهو ينهض من مكانه تعالى معايا انا هوصلك بنفسى اتفضلى
فى مكتب أمانة
تجلس أمانة وهى تراجع بعض الرسو لتسمع طرقا على الباب وتجد نوح أمامها
أمانة بدهشة وعليكم السلام فى حاجة واللا ايه
نوح ابدا بس قرار أن الإدارة الهندسية عندنا وعندكم هينضموا فى الشغل لغاية القرية خلص وتتسلم والباشمهندس حاتم قرر انى ابقى موجود معاكى فى مكتبك لو تضايقيش
أمانة بارتباك لا وهتضايق ليه ده شئ انا متعودة عليه فى المشاريع اللى بيبقى فيه دمج من شركات تانية
ظنت أمانة أنه يستهزئ بها لتقول پألم لو حاسس ان ده هيقلل منك ممكن اطلب منهم يجهزولك مكتب تانى
نظر لها نوح بامتعاض قائلا حسن الظن من حسن الفطن على فكرة بعدين المفروض انى ضيف عندك فين حسن الضيافة
نوح بمزاح مش عاوز منك حاجة ياختى هطلب لروحى اللى انا عاوزه
أمانة عموما نورت ياباشمهندس واتمنى تنبسط معانا ويبقى تعاون مثمر أن شاء الله
نوح أن شاء الله انا مبدأيا عاوز اتعرف على طقم المهندسين وعن كل جزئية فى الشغل مسئولية مين
أمانة تمام بس لو سمحت انا فى الشغل المهندسة أمانة وانت المهندس نووووح
أمانة تغراب هو ايه ده
نوح أسمى رغم انى اعتذرتلك وطلبت منك ننسى كل اللى فات بس انتى لسه مصممة تندهينى بصفتى مش مى
أمانة معلش هو بس بيبقى فى حاجات مابتتنسيش بسهولة
نوح بفضول ايه اكتر حاجة زعلتك منى يا أمانة اللى عملته زمان واللا اللى عملته اول امبارح
أمانة وهى تدعى الجهل وانت عملت ايه اول امبارح
أمانة پصدمة نعم
نوح اوعى تفكرى انها سهله انى اعمل روحى ماش مراتى بالمنظر اللى شفناه بس صدقينى عندى سبب وسبب قوى كمان بس أن شاء الله قريب قوى الغمة دى تنزاح
أمانة انا مش فاهمة اى حاجة
نوح كل اللى اقدر اقوله لك انى حاليا متكتف لكن اول ما الاقى حل للتكتيفة دى هتصرف التصرف اللى يليق بيا صدقينى
لتنظر له أمانة وهى تحاول استيعاب مايدور بذهنه وعندما تشعر بفشلها تومئ برأسها قائلة ربنا ييسر لك كل خير
عاوزك تتعرفى على غادة وتصاحبيها يا سهر هى واحمد يعتبروا أصحابى الوحيدين ماليش صحاب غيرهم
احنا اصحاب من ايام الجامعة انا كنت فى هندسة وأحمد وغادة فى حقوق
سهر تغراب اومال اتلوا على بعض ازاى
نوح خناقة فى الجامعة ولد كان بيعاكس غادة بكلام مايصحش وانا معدى من جنبهم بالصدفة فاتخانقت مع الولد ونا بعض وايدى انكسرت فيها
ومن هنا اتعرفت عليهم احمد يبقى ابن خالة غادة وكان خطيبها كمان وقتها سألوا على عنوانى وجم زارونى وماسيبناش بعض من وقتها
نعمة طول عمرهم ولاد حلال وماسابونيش طول سفرك كانوا دايما بيسالوا عليا انا وأمانة
نوح وهو يتجه لغرفته وابقى قولى لأمانة يا ماما عشان تبقى موجودة
سهر بامتعاض وهى أمانة تبقى موجودة مع صحابك بمناسبة ايه
نوح عاوزين يعرضوا عليها مشروع كبير اوى عاوزين يعملوه
سهر بفضول مشروع ايه ده واشمعنى يعنى أمانة ليه مش انت
نوح احكيلك كل حاجة بعدين وبالتفصيل
فى غرفة نوح
سهر ها سامعاك ايه بقى حكاية المشروع اللى بتقول عليه ده
نوح بعدم اهتمام ابدا احمد وغادة كان ليهم خال غنى جدا وماكانش عنده ولاد ولما ماټ ورثوه وكان من ضمن نصيبهم فى الميراث حتة ارض مساحتها كبيرة جدا فى الساحل وعاوزين يعملوها قرية سياحية
سهر وعينيها بريق الطمع واشمعنى أمانة يعنى اللى عاوزينها
نوح هم قالوا عاوزين شركة مقاولات تتبنى المشروع ويشاركوهم احمد وغادة بالارض
والشركة بالتكاليف فرشحتلهم شركة عبد الراضى
سهر وليه مش شركتنا
نوح لان شركة عبد الراضى معروفة بالمشاريع اللى زى دى وكمان مش طماعين اوى فى شروطهم زى عندنا
سهر بامتعاض وعاوزين أمانة ليه
نوح عشان هى اللى هتعرفهم طبعا على حاتم عبد الراضى
سهر بخبث ااه طبعا ماهى حبيبة القلب
نوح پغضب سهر ألزمى حدودك
سهر ببرود أنهى حدود دى ماهى مامتك اللى قالت قدامنا أنه ھي عليها وهى اللى مش معبراه
نوح وهو يعطيها ظهره وبعض على نواجزه برضة
مايخصكيش انا كل اللى عاوزه منك انك تقابليهم كويس وترحبى بيهم
فى اليوم التالى يفتح نوح الباب وهو يست احمد وغادة بترحاب شديد
نوح اهلا يا ابو حميد نورتنى ياحبيبى اهلا ياغادة نورتى الله ! اومال فين الولاد
غادة ياعم الله يباركلك ولاد ايه انا النهاردة إجازة
احمد بضحك ماصدقت خالتى قالتها سيبى معايا الولاد على رجعوا راحت جارية وسيباهم لها
غادة بمرح المصالح بتتصالح يا أخ
نوح ضاحكا لأ واضح أن شغل المحاكم جايب نتيجة هايلة
احمد وغادة فى نفس الوقت اومااال طبعا
لتأتى نعمة ضاحكة وهى تفتح ذراعيها لغادة قائلة بقى كدة يابت ياغادة شهرين ماشوفكيش
نوح ده اللى هو ازاى بقى
غادة يعنى وحياتك ساعات بيعدى بالاسبوع من غير ماببص فى المراية حتى شعرى بسرحه غيابيا
احمد ضاحكا ده أن سرحته اصلا
غادة انى اعترض انا بسرحه
كل يوم
احمد انتى القسم على فكرة
لتزوى غادة يها وهى تقول بامتعاض بسرحه بايدى مش بالفرشة استريحت
احمد بانتصار جداااا
لياتيهم صوت
لتدخل عليهم سهر وهى فى كامل زينتها قائلة مساء الخير
ليلتفت الجميع ناحيتها وهم يتفحصونها بأعينهم ليقوم نوح بتفهم إلى بعضهم البعض
سهر بابتسامة نوح كلمنى كتير عنكم وقاللى انكم أصدقائه الوحيدين
احمد ربنا يديم المعروف
غادة وانتى ياسهر مبسوطة فى مصر واللا لسه ما اتأقلمتيش
سهر ببعض التكبر الحقيقة العيشة هناك غير فى فرق كبير اكيد
غادة يعنى افهم من كده انك مش مبسوطة هنا
سهر مش هخبى عليكى انا اتعودت على الرفاهية اللى هناك
احمد بس برضة مصر حلوة بأهلها واحلوت اكتر لما نورتينا
لتنظر له سهر ببعض الدلال لتقول ميرسى على ذوقك واضح انك جنتل مان بصحيح
احمد انا راجل صريح ثم قال بمرح والحلو اقوله ياحلو فى عيونه
ليتبادل الجميع الضحكات ليقول نوح واضح أن شغل المحاكم علمك البكش
احمد لا مااسمحلكش انا راجل حقانى اقول الحق ولو على تى
نوح طب ياحقانى قول لى نويت على ايه
غادة ما انت لو تسمع الكلام يانوح مانتحوجش لحد أو على الأقل جزء مش لازم الكل
سهر انا مش فاهمة حاجة
غادة طب احضرينا انتى ياسهر واحكمى بيننا
سهر قولى
غادة الأرض بتاعتنا اتقدرت بملايين وعشان يتعمل عليها القرية السياحية اللى بنحلم بيها برضة محتاجة ملايين عشان لما تبتدى تشتغل برضة تجيبلنا ملايين بقول لنوح يدخل شريك معانا ولو بجزء صغير واحنا كلنا فين المشاريع دى بتكسب اد ايه وتبقى حاجة للزمن ملكه وبتاعته لانه هيبقى شريك فيها لكن هو بقى مش مقتنع حتى بقوله لو يتبنى جزء من الأرض يعمل عليها النادى الصحى اللى طول عمره كان بيحلم بيه وشوفى انتى بقى السياح بيحبوا الحاجات دى اد ايه
سهر وقد التمعت عيناها ببريق الطمع وليه لا يانوح غادة بتتكلم كلام معقول جدا هو احنا هتفضل طول عمرنا بنشتغل اكيد هيبجى وقت هنحب أننا نستريح ونعيش وبس
ليتبادل نوح النظرات مع احمد وغادة
ولكنهم يسمعوا نداء أمانة تدعوهم لتناول العشاء فينهضوا ويتجهوا جميعا إلى مائدة الطعام فتقول غادة أما أكلك وحشنى بشكل يا أمانة
سهر بس ماما اللى عاملة الاكل مش أمانة
نعمة وهو انا يابنتى بقيت اقدر اعمل حاجة دى أمانة ياحبيبتى اللى جهزت كل حاجة من امبارح وانا يادوب سويت الاكل النهاردة
احمد تعبناكم والله تسلم ايدك ياطنط وانتى كمان يا أمانة تسلم ايديكى
أمانة تسلموا والله انتو نورتونا وكنتم واحشنى جدا
احمد انتى اللى قافشة على الدنيا وواخدة فى وشك على طول يابنتى بالراحة على نفسك شوية
أمانة ليه بتقول كده
احمد الدنيا مش كلها شغل يا أمانة عيشى شوية
أمانة انا الحمدلله عايشة ومبسوطة
غادة بقولك ايه يا احمد لعبليش فى دماغ البنية الله يكرمك أمانة طول عمرها ملتزمة ومحترمة
نوح ضاحكا اوبااااا الكلام ده كبير
غادة بسخرية اصل صاحبك بقى من أنصار حرية المرأة
أمانة تنكار طب وايه دخل حرية المرأة بأنى مش عايشة من وجهة نظره
غادة لا ياحبيبتى حرية المرأة بالنسبة له غير
أمانة ازاى يعنى
لتنظر غادة لأحمد وهى تقول بامتعاض يعنى الحرية من وجهة نظره فى المظهر والاجتماعيات والسكريات وكل الحاجات والمحتاجات
نوح ببعض الذهول اكيد مش اللى فهمته
غادة لا هو بالظبط اللى فهمته اوعى تشك فى قدراتك
احمد ببساطة الحرية ياتبقى كاملة يا تبقى ماسمهاش حرية
أمانة بس لو اللى فهمته مظبوط يا استاذ احمد فأحب اقوللك أن فى فرق كبير بين الحرية والانحلال
غادة بصوت عالى قولي له
سهر بس انا رأيى من رأى احمد الحرية مابتتجزأش
احمد بانتصار اخيراااا اخيرا لقيت حد يشاركنى رأيى
نوح اتلهى دى اراء تودى جهنم
احمد ليه يعنى كل واحد ف كويس اوى الحلال من الحړام والصح من الغلط وهو حر يختار طريقه بمعرفته وماحدش شريكه
سهر وهى تنظر لأحمد بتفحص واضح انك اوبن مايند على حق
احمد بمرح وهو يغمز بجانب عينيه لسهر ماحدش واخد منها حاجة
سهر بخبث وياترى القرية لما تعملوها هتبقى تمويل الشريك بالكامل واللا انتو برضة هتشاركوا بجزء
غادة ارض الساحل عاوزين الشريك هو اللى يتكفل بيها لكن ارض الفيوم احنا اللى هنقوم بيها
نوح وايه ارض الفيوم دى
كمان ماجبتوليش سيرتها
احمد وهو ينظر لسهر وكأنه يأكلها بعينيه دى تهبل يانوح
نوح تهبل ازاى يعنى
احمد بانتباه اقصد موقعها يعنى
حلو جدا على البحيرة بس دى نأوى اعملها مجمع سكنى زى الكمبوند كده
نوح بس دى تتكلف ملايين هى كمان
غادة احنا مستنيين بس الفلوس اللى برة على تحول وهنبتدى على طول أن شاء الله
نوح فلوس ايه
غادة مانت ف خالو الله يرحمه عاش وماټ فى كندا كان ينزل مصر يتحمس أنه هيفضل ويشترى أراضى هنا وهناك وبعد كده يرجع تانى ومايعملش ولا مشروع
بس اخر مرة كان هنا كان نأوى يبيع المزرعة بتاعته اللى هناك وييجى هنا نهائى بس مالحقش
نعمة الله يرحمه يابنتى
وعندما فرغوا من الطعام اتجهت سهر لمجالسة احمد وغادة وتركت نعمة وأمانة كالعادة يلملمون المائدة
