روايه بقلم شهد احمد

عمر وبعدين شقه يزن هتكون شقتي انا وابني لانه هخليه يكتبها ب اسمي 
وعلشان ابني يعيش حياه طبيعه وتكون حياته مستقره 
عمر. نشوف ده بعدين لاني تعبان ودخل علشان ينام 
ليله. وانا كمان تعبت هروح انام 
وتاني يوم
مليكه. جالها تليفون ب أن يزن عايز يشوفها واتصلت على ليله وقالت ليها وليله قالت طيب انت فاضيه تروحي 
مليكه. اكيد خلينا نخلص بقا 
ليله. تمام هاتي تميم وتيام وروحي 
مليكه. تمام هجهز وهجيلك 
ليله. تمام وبعد شويه كانت وصلت مليكه وجابت الاولاد وراحت ل يزن السچن 
عمر. اي ده تميم وتيام عندنا وراح عندهم وباسهم 
ليله. اه علشان مليكه راحت تشوف يزن علشان كان عايز يشوفها اكيد علشان يوافق أنه يتنازل ويطلع من السچن 
عمر. طيب هنروح امته ل يماني و ننزل نجيب الفستان 
ليله. عمر روح انت مع يماني وامها وهاتوا الفستان لو سألت عليا قول اني تعبانه شويه أو قول اي حاجه كده يعني 
عمر. لا هتاجي معانا 
ليله. طيب وتميم وتيام ومليكه مش هنا 
عمر. هناخدهم معانا وهنرن علي مليكه نقولها 
ليله. تمام واخدتهم ليله وراحوا مع يماني وامها علشان يشتروا الفستان والميكب وباقي الحاجات وليله كانت شيله تميم وتيام في حضنها ويماني كانت بتختار وبتقيس وتوري عمر وليله وامها واخيرا اختاروا فستان وباقي الحاجات وبعدين راحوا علشان يوصلوا يماني وامها البيت وبعدين روح ليله البيت ونزل 
في الوقت ده
مليكه. راحت القسم وطلبت من الضابط محمد انها تشوف يزن وسمح لها واول ما دخلت لقت حاله مبهدل 
يزن. مليكه 
مليكه. طلبت تشوفني خير 
يزن. انا موافق اني أتنازل مقابل أنه اطلع من هنا انا ولا عارف اكل ولا اشرب ولا انام وحياتي مدمره وكله بسبب ليله 
مليكه. تؤتؤ ده بسبب أفعالك ي يزن انا بقول خليك هنا كمان شويه يمكن تتربي وتعترف ب غلطك 
يزن. لا لا انا خلاص اعترفت ب غلطتي طلعيني من هنا الله يخليكي 
مليكه. تمام هقول ل ليله ونطلعك سلام علشان الاولاد 
الضابط محمد. شوفتي يزن 
مليكه. اه وشكرا لك عن اذنك 
محمد. اتفضلي وهيا مشيت وهو طلع وراها ولحقها لحد ما وصلت عند بيت ليله 
وطلعت لقت ليله مع الاولاد وحكت ليها اللي حصل وأنه يزن عايز يطلع 
ليله. تمام هنجهز الورق اللي هيمضي وبعدين نشوف 
مليكه. تمام انا هروح بقا علشان الاولاد 
ليله. ماشي وكتب كتاب عمر ويماني بعد بكره ولازم تحضري 
مليكه. اكيد ي حبيبتي عمر زي اخويا ولازم احضر 
ليله. عقبال ولادك أن شاء الله
مليكه. وعقبال ما تولدي وتقومي بالسلامه ي رب 
ليله. تسلميلي ومليكه اخدت الاولاد ومشيت روحت بيتها
وغيرت هدومها وهدم الاولاد وعملت ليهم اكل و وكلتهم 
وقعدت تلعب معاهم 
محمد. بعد ما عرف أنه مليكه طلعت راح قعد في كافيه كان مفكر أنه هيا قاعده هنا وقال بعدين يبقا يكلمها في أنه عايز يتقدم ليها وكان ماشي بس قال وليه يأجل ل بعدين وفي الاخر اخد قرار أنه يطلع وهو طالع قابل عمر 
عمر. اهلا بيك ي حضره الظابط في حاجه ولا اي
محمد. كنت عايزك في موضوع
عمر. خير موضوع اي تعال اتفضل اطلع ونتكلم فوق
محمد. تمام وطلع معاه وقال أنا كنت جاي وطالب ايد مليكه هيا مش ساكنه هنا 
عمر. لا ده بيتي انا واختي ليله وهيا بتاجي هنا زياره بس 
محمد. انا عارف الحكايه كلها بتاع يزن وجوازه من اختك ومن مليكه كمان وبصراحه انا شوفت مليكه كذا مره وأعجبت بيها وحابب اني اتجوزها 
عمر. مش عارف اقولك اي بس انا هبلغها ونشوف رئيها اي 
محمد. تمام عن اذنك وده رقمي ويبقا بلغني 
عمر. تمام وسلم عليه ومحمد مشي 
ليله. في اي ي عمر والضابط ده كان عايز اي
عمر. جاي وطالب ايد مليكه عايز يتجوزها 
ليله. اه تفتكر مليكه هتوافق 
عمر. معرفش بس قولي ليها ونشوف رئيها اي
ليله. تمام وربنا يقدم اللي فيه الخير 
عمر. إن شاء الله انا داخل اشتغل شويه 
ليله. تمام وانا هحضر الاكل ودخلت تحضر وخلصت وراحت تنادي عمر وقاعدوا يأكلوا وبعد ما خلصوا عمر دخل يشتغل كان عايز ينجز شغله قبل الفرح 
وليله. دخلت اوضتها وقالت تتصل على مليكه وتقولها بخصوص الضابط محمد 
مليكه. الو عامله ايه ي ليله 
ليله. كويسه الحمد لله بقولك أي ي مليكه 
مليكه. قولي ي حبيبتي 
ليله. فيه ظابط كده اسمه محمد جاء هنا وطلب ايدك من عمر 
مليكه. پصدمه 
يتبععععععع. 
رئيكم وعايزه تفاعل حلو علشان اكمل 
إن شاء الله البارت الجاي الاخير واسفه علي التاخيررر 
ليله_يزن 
بقلمي_شهد_احمد.
12
ليله. فيه ظابط كده اسمه محمد جاء هنا وطلب ايدك من عمر 
مليكه. پصدمه انتي بتقولي اي ي ليله مستحيل قولي ل عمر اني مش موافقه 
ليله. مش موافقه لي ي مليكه مش تتسرعي ومش كل الناس زي يزن انتي معاكي طفلين ولوحدك ومحتاجه حد يشاركك حياتك هو عارف كل حاجه عنك ومع ذلك موافق أنه يتجوزك اقعدي معاه واتكلموا وبعدين احكمي عيشي حياتك ي حبيبتي ما جائز ربنا عامل كل ده علشان شيلك الاحسن وهو محمد 
مليكه. مش عارفه ي ليله 
ليله. فكري في مصلحتك ومصلحه الاولاد وأنه بدل ما تكوني لوحدك هيكون فيه حد يشاركك حياتك ويشيل عنك شويه 
مليكه. ماشي ي ليله هفكر 
ليله. تمام ي حبيبتي وربنا يقدم اللي فيه الخير هروح بقا انام لاني تعبانه شويه 
مليكه. مالك ي ليله 
ليله. مش عارفه مالي هنام وان شاء الله هقوم كويسه 
مليكه. ماشي ي ليللي ويبقا طمنيني عليكي
ليله. ماشي وقفلت معاها ونامت 
عند مليكه كانت بتفكر في كلام ليله وأنه ي ترا توافق ولا لا وبصت علي ولادها وقد اي هيا محتاره فيهم لوحدها من غير ما حد يكون جانبها ولا اخ ولا زوج ولا اخت ولا أهل يسندوها وقالت تدي فرصه ل محمد وتكلم معاه بس ولو عجبها توافق ولو لا يبقا لا اول حاجه تتكلم معاه فيها هيا اولادها قبل اي حاجه وقررت تبلغ ليله بالموافقه بكره واخدت ولادها في حضنها ونامت.
وكان بعد الظهر كده ليله صحيت من النوم وكانت جعانه راحت تعمل اكل كان جاي علي بالها تاكل كبده وعملت وقعدت تاكل وبعد ما خلصت اتصلت ب عمر 
ليله. الو انت فين ي عمر ولي مش صحتني من النوم قبل ما تنزل 
عمر. انا في الشركه ي ليلي ولقيتك رايحه في سابع نومه سبتك تنامي فطرتي ولا لا
ليله. انا فطرت كان جاي علي بالي اكل كبده وعملت وكلت 
عمر. كبده علي الصبح طيب افطري لبن بيض حاجات مفيده كده علشان البيبي 
ليله. اعمل ايه بقا ي عمر البيبي هو اللي عايز كده مش انا 
عمر. هاتيها في البيبي ماشي ي ستي عايزه حاجه قبل ما اقفل يلا عندي شغل 
ليله. ي عم ما براحه خلينا نشبع منك قبل ما البت يماني تخدك مننا كنت عايزه تعملي الورق اللي يتنازل عليه يزن كل أملاكه عايزك تكتب البيت اللي كنت قاعده فيه ب اسمي انا وابني والبيت اللي كانت قاعده فيه مليكه تكتبه ب اسمها هيا واولادها وبعدين الشركه تكون بالنصف ل اولادها ول

ابني صحيح انا لسه مش عارفه انا حامل في ولد ولا بنت بس ده حقي كل حاجه هتكون بالنصف وشوف بقا إذا كان عنده أملاك تانيه ولا اي دور وراه واكتب العقود وبلغني 
عمر. ي ستي محدش يقدر ياخدني منك انتي روحي وبعدين حاضر ي ستي هعملك اللي طلبتيه وهكلم المحامي ويبقا كلمي مليكه وقولي ليها علي تقسيم الأملاك ده وشوفي ردها اي بخصوص محمد وخليني اخلص الشغل بقا علشان بكره كتب الكتاب سلام 
ليله. سلام ي حبيب اختك وقفلت. 
وبعد ما قفلت معاه لقت مليكه بترن 
مليكه. الو ازيك ي ليله 
ليله. كويسه انتي عامله ايه والاولاد 
مليكه. كويسين بقولك أي ي ليله انا موافقه اشوف محمد واقعد اتكلم معاه الاول قبل ما اقرر اوافق أو لا 
ليله. تمام هقول ل عمر يقول ل محمد ولو كده ياجي كتب كتاب عمر بكره وتقعدوا مع بعض
مليكه. تمام تسلمي ي ليله 
ليله. بقولك ايه ي مليكه انا قولت ل عمر يعمل العقود اللي يزن هيوقع عليها انا قولتله أنه بيتك اللي كنتي قاعده فيه هيكون ليكي وان البيت اللي كنت قاعده انا فيه هيكون ليا لانه كان علي ذوقي وبعدين الشركه واي حاجه تانيه هتكون ب النص بين ولادك وابني ف لو عندك مشكله قولي واغير قبل ما عمر يعمل العقود 
مليكه. لا ي ليله معنديش مشكله وكتر خيرك انك مأخدتش كل حاجه لوحدك وصدقتي معايا للآخر 
ليله. انتي اختي ي مليكه وأولادك زي اولادي 
مليكه. تسلمي ي ليله هروح اشوف الاولاد 
ليله. تمام سلام وقفلت معاها 
واتصلت ب يماني وقالت اهلا ي عروسه عامله ايه
يماني. الحمد لله كويسه انتي عامله ايه
ليله. كويسه ي حبيبتي واخيرا بكره هتكوني مرات عمر انا مبسوطه اووي بقولك أي ي بت لو عوزتي اي حاجه او ناقصه حاجه كلميني أو كلمي عمر يجبلك ومتقلقيش بكره أن شاء الله هكون عندك من الصبح واروح معاكي الكوافير 
يماني. إن شاء الله ي حبيبتي و تسلميلي 
ليله. انتي اختي ي بت وهتكوني مرات اخويا يلا روحي شوفي هتعملي اي وخليني اروح ارتاح شويه وقفلت معاها 
وليله. وهيا قاعده تتفرح علي التلفزيون جالها اتصال من الدكتوره اللي راحت وكشفت عندها وقالت لها أنه هيا حامل ردت وقالت الو مين معايا 
الدكتوره امل. انا الدكتوره امل معاكي 
ليله. اهلا ي دكتور 
امل. المفروض انك كنتي تجيبي جوزك وتاجي علشان تكشفي وكان فيه حجز 
ليله. اه معلش نسيت بسبب الظروف طيب الحجز لسه موجود ولا اتلغي 
امل. اه طبعا لو فاضيه ممكن تاجي 
ليله. تمام هجهز نفسي واجيلك وقفلت معاها رنت علي عمر بس كان مش بيرد ف قررت تروح ل وحدها 
وجهزت نفسها وراحت وكشفت والدكتوره قالت انها حامل في 3 تؤام وليله. كانت مبسوطه وطايره من الفرحه
واتصلت ب عمر وقالت عمر تعال بسرعه انا عند الدكتوره وعطته العنوان وعمر جري بسرعه وراح عندها واول ما شافها 
عمر. ليله انتي كويسه فيكي حاجه وليه نزلتي من غير ما تقوليلي
ليله. اهدا ي عمر انا كويسه انا جيت علشان اشوف البيبي وكده والدكتوره قالت اني حامل في 3 تؤام انا مش مصدقه هههههه 
عمر. هههه 3 مره وحده اي ارنبه واخدها في حضنه وقال ربنا يقومك بالسلامه ي حبيبتي وياجوا بالسلامه وي ترا الثلاثه نوعهم اي 
ليله. مش عارفه انا اول ما قالت كده كنت مبسوطه وقولت اتصل عليك تاجي 
عمر. طيب تعالي نشوف جنسهم اي 
ليله. يلا ودخلت كشفت وطلع ولدين وبنت 
عمر. الف مبروك ي حبيبتي 
ليله. الله يبارك فيك ي عمر عقبالك ي حبيبي واخدها وروحوا وقال مش عايزك تعملي حركه سامعه 
ليله. ههه حاضر المهم اتصل علي محمد وخليه ياجي علي كتب الكتاب
علشان مليكه حابه تكلم معاه وبعدين جهزت الاوراق 
عمر. اه ي ستي الورق اهو واستني اتصل علي محمد قبل ما انسي واتصل عليه ومحمد وافق وقال ومحمد كمان جاي بكره اي وأمر تاني ي ست ليللي 
ليله. بصراحه ي محمد انا جاي علي بالي اكل دلوقتي كريب ب الفراخ وعايزه بروست كمان اااه حاسه أنه رحته فاحت مره وحده كده 
عمر. يعني عايزه كريب ولا بروست 
ليله. عايزه الاثنين ي حبيبي 
عمر. الاثنين طيب ي ستي وطلبهم وليله اكلت بتلذذ كده وكانت مبسوطه وكانت شبه البطيخه وهيا بتاكل وعمر يقولها براحه وهيا تقول مش قادره اقاوم الاكل 
وعمر. يضحك على شكلها هههه 
وتاني يوم ليله. راحت ل يماني وراحوا الكوافير ومليكه كانت معاهم هيا والاولاد وبعد ما خلصوا عمر جاء واخدهم ورجعوا البيت وكانت فيه حفله ومعازيم 
وتم كتب كتاب يماني وعمر وبقت مراته رسمي وكانوا بيرقصوا مع بعض سلو وفي الوقت ده مليكه كانت قاعده مع محمد يتكلموا وقالت ليه علي كل اللي مرت بيه وأنها قبل ما تكون عايزه زوج يحترمها ويحبها ويصونها عايزه اب ل اولادي ويعتبرهم ولاده 
محمد. وافق وشاف تميم وتيام واتعرف عليهم ومليكه حست أنه شخص كويسه وكفايه أنه قبل بيها وبولادها 
وخلصت الحفله ويماني روحت البيت مع عمر وليله أصرت تروح مع مليكه تبيت معاها وقعدت تتكلم هيا ومليكه ومليكه قالت أنها وافقت على محمد وان عمر يبقا يسأل عليه وكده ولو كده يبقا يتجوزوا وليله قالت ل مليكه انها حامل في 3 تؤام ولدين وبنت ومليكه كانت مبسوطه ليها وليله. نامت من كتر التعب 
وطبعا نسيب يماني وعمر مع بعض.
وبعد اسبوعين من جواز عمر نزل الشغل وليله رجعت البيت 
وعمر سال علي محمد وطلع شخص كويس ومحترم وعمر قاله ل محمد أن مليكه وافقت ومحمد جاء واتفق مع عمر ومليكه أنه كتب الكتاب هيكون بكره ونزل جاب ليها دبله تونز واسوره بالخاتم بتاعها وبعدها محمد روح مليكه و وصلها البيت هيا وليله وعمر روح مع يماني 
ليله الف مبروك ي مليكه أن شاء الله يكون زوج صالح ليكي 
مليكه. ي رب ي ليله 
ليله. بقولك ايه ي مليكه بما انك خلاص هتجوزي من محمد ف مينفعش انك تروحي ل يزن خالص 
مليكه. معاكي حق طيب مين هيروح علشان يخليه يمضي
ليله. مش عارفه ومش هينفع اروح لان لو عمر عرف مش عارفه هيعمل ايه
مليكه. اي رئيك نقول ل محمد وهو يتعامل معاه 
ليله. اشطا حلو ده 
مليكه. تمام هتصل عليه واقوله 
ليله. تمام وانا هروح انام جنب تميم وتيام لاني تعبت 
وراحت تنام ومليكه اتصلت ب محمد واتكلموا مع بعض وقالت ليه علي حوار يزن وأنه يخليه يمضي علي العقود دي ومحمد وافق وقال لها كويس انك قولتيلي ومروحتيش لانه كان هيبقا فيها زعل لانك دلوقتي خطبتي وبكره هتكوني مراتي 
مليكه. قالت علشان كده انا قولت ليك ي محمد وانا عارفه حدودي كويس 
محمد. وانا واثق فيكي ي مليكه وقال أنا هاخد العقود بكره من عمر وهخلي يزن يوقع عليها قبل كتب الكتاب علشان تكون صفحته اتقفلت للابد
ومليكه. قالت تمام وقفلت معاه وراحت تنام 
تاني يوم محمد اخد العقود من عمر وخلا يزن وقع عليها وكتب ليه علي خروج علشان ليله اتنازلت عن القضيه وقال يدي الورق ل مليكه لما يروح
عندها وجهز نفسه وراح عند مليكه وكان فيها عندها ليله ويماني وعمر 
وعطا الورق ل مليكه وليله اخدت الورق من مليكه وقالت يلا علشان كتب الكتاب وتم كتب كتاب محمد ومليكه وفي الوقت ده وهما بيرقصوا يزن دخل عليهم 
ليله. يزن وراحت بسرعه عند عمر 
يزن. انا جاي اعتذر ليكي ي مليكه انتي وليله علي اللي عملتوا فيكم وانتي ي مليكه ربنا يوفقك في حياتك مع محمد انا عرفت أن انهارده كتب كتابك علي الضابط محمد انا مش جاي اخرب عليكم فرحتكم انا جاي ابارك ليكي وانتي ي ليله انا اسف انا عرفت غلطتي واني كنت واحد اناني الشويه اللي قعدت فيهم في الحبس وانا لوحدي ولا معاي أصحاب ولا معايا حد خلتني عرفت قيمتكم في حياتي وان الواحد فعلا ملهوش غير بيته وأولاده ومراته وأنه يبقا سند ليها انا اسف انا اتعلمت الدرس متأخر صحيح انا كنت بحبك ي مليكه بس لما ليله دخلت على حياتي خلتني انسي الدنيا وانا معاها انا بحبك ي ليله وهفضل احبك لحد ما اموت وسابهم ومشي وهو مش عارف رايح علي فين 
محمد. اخد مليكه في حضنه وقالها انسي اللي حصل وانا معاكي وهنسيكي اي حاجه وحشه مريتي بيها ومتقلقيش ولادك هما ولادي من انهارده حتي لو جبنا ولاد مش هفرق بينهم 
مليكه. ربنا يديمك ليا ي محمد 
عمر. ليله حبيبتي متزعليش انا معاكي وهنربي اولادك سوا ومش هخليكي محتاجه حاجه انا معاكي انا ويماني 
ليله. ربنا يديمك ليا ي عمر وحضنته وعمر اخدها هو ويماني ورجعوا البيت
ومحمد اخد مليكه وراحوا علي بيت محمد 
وبعد 6 شهور ليله. ولدت وجابت يزن وزين وزينه وكانت مبسوطه بيهم ويزن جاء وشاف أولاده لما عرف أن ليله ولدت وقال لها حمد الله على سلامتك وعمر قاله ابعد عن اختي 
يزن. قال عمر انا بحب ليله ي ريت ترجعلي انا مش عارف اعيش من غيرها صدقني انا عرفت قيمتها وهكون ليها سند وهحبها وهتحترمها وهصونها والله 
عمر. انت وتصون وتحب وتحترم اطلع بره ي يزن 
يزن. ليله انا بحبك صدقيني انا عرفت قيمتك وانا مش عايز لا أملاك ولا اي حاجه ومش بعمل كده علشان أحدهم منك انا عايزك انتي واولادي 
ليله. انت مش بتحبني ي يزن انت حبيتني ل مزاجكك وبعدين انت متحملتش مليكه وهيا معاها ولدين هتتحملني انا وانا معايا 3 روح ي يزن ربنا يوفقك مع حد تاني 
يزن. بس انا عايزك انتي فكري مليكه اتجوزت ومبسوطه مع محمد وكل يوم فسح وسفر وعايشه مرتاحه واخوكي عايش مع مراته وكمان مراته حامل وهيكونوا هما أولوياته طيب وانتي ي ليله مش عايشه تعيشي مع عائله طيب حتي علشان خاطر اولادنا ويتربوا وسط عائله من أب وأم 
ليله. فكرت شويه وأنه علشان خاطر اولادها لازم ترجع ل يزن ورجعت ليه وعمر مكنش موافق بس أصرت عليه وبقا مش بيكلمها وقالت إنه علشان خاطر ولادها رجعت ليه وأنه هيكون مشغول مع مراته وابنه وهيا مش هتقدر تتحمل مسؤولية اولادها لوحدها وبما أنه بيحبها وعايز يرجع ف رجعت ليه وقالت ل عمر أنه يسامحها وعمر وافق وقال ل يزن أن لو ليله زعلت بس مجرد زعل بسيط ل هيطلع بروحه ويزن قاله مستحيل يزعلها وأنه عرف قيمتها وعاشت مع ليله مع يزن وكان بيحاول يسعدها وليله اخدت وقت كبير عقبال ما سمحت يزن وحركاته وتصرفاته هما اللي خلوا ليله تسامح يزن 
وعاشت معاه مبسوطه هيا واولادها وكان بيساعدها في تربيه يزن وزين وزينه وكان كل فتره بيشوف تميم وتيام
ويزن اتغير فعلا وبقا شخص تاني وبقا كل حياته ليله وأولاده وأنه ازاي يسعدها 
تمت الروايه والي إلقاء في روايه اخرى 
المفروض الروايه كانت تبقا تضحيه ومعاناه ليله
لأنها اتنزلت عن حاجات كتير علشان اولادها 
رئيكم وعايزه تفاعل حلو 
ليله_يزن 
بقلمي_شهد_احمد