كشفت سر حماتي

ما روحتش هناك خالص الا وكان البيت نضيف والجو هادي ونفسها في الاكل ما اقولكش ولا ابشيف حسن
اسلام 
لا وكمان حلوه وزي القمر بس حظها ماسل هو انت فكرت يا كمال في اللي قولتلك عليه اني عايز اتجوزها
كمال
فكرت وبقولك يا اخويا اهو من الاول شيل الموضوع ده من دماغك خالص انا مش عايز مشاكل مع مراتي وحماتي هي البنت كويسه بس يمكن هما مش عايزينها تتجوز بعد جوزها اللي راح

اسلام
يعني هي هتوقف حياتها عليهم لا بقولك ايه يا كمال انا مش هسمع كلامك في الموضوع ده وهظبط اموري وهتجوزها انا ما فيش ست عجباني وداخله دماغي غيرها
كمال
يا عم سدد ديونك الاول ده انت القرض اللي جيبته من فتره بياخد فلوسك كلها لا وروحت اتنصحت كمان ودخلت في جمعيه هو انت ناقص
اسلام
دي حاجات مقدور عليها ويعني بزمتك يا شيخ مش نفسك تتجوز واحده زي ليلي كده تريحك وتعيش في نضافه بدل القرف ده وتكون حلوه مش وشها يفطت الخميره من البيت زي مراتك
كمال
معاك حق والله بس اهو النصيب غلاب وانت لو خلصت ديونك والحاجات اللي وراك اتجوزها يا اخويا ما حدش هيقولك لا ولو كان علي مراتي انا هعرف اخليها توافق
اسلام 
وفكر برصو تغير انت شويه او تخلس مراتك تتعلم من مرات اخوها ازاي تروق بيتها في الوقت ده كانت سمعاهم عزه اللي قالت لنفسها
عزه 
بقي كده يا عقربه يا اسمك ليلي والله لوريكي يا حربايه انتي وبالليل جه اسلام وكان واقف هو وحماتي اللي لابسه هدوم دايقه اوي وفارده شعرها
الحما
يعني ما فيش مشاكل اخص عليا جيبتك علي الفاضي يا اسلام
اسلام 
لا لا ولا يهمك عادي بس انتي اول ما تحسي بأي قلق تعالي وقوليلي وانا هاجي اعملك اللي تطلبيه
الحما
طيب تعالي اقعد كده نتكلم شويه انتي يا بت يا ليلي اعملي عصير للاستاذ اسلام بسرعه يلا رديت عليها وانا في المطبخ وقولت
ليلي
حاضر يا ماما حالا اهو وقالت هي لاسلام
الحما
شكلك كده مدايق يا اسلام ومش عاجبني النهارده في ايه مالك احكيلي واتكلم
اسلام
والله انا مش عارف اقولك ايه يا ست هناء انا بس روحت جيبت قرض عشان ادخل مشروع والمشروع فشل ودلوقتي بقيت عليا فلوس اد كده بره ومش عارف اجيب منين
الحما 
طيب وانت عايز كام يعني عشان تسدد الفلوس دي
اسلام
يعني بتاع 30 الف جنيه اكيش بيهم القرض اللي عليا وبعدين ارتاح بقي
الحما 
طيب واللي يديهم ليك
اسلام
ده انا افضل شايل جميله فوق راسي عمري كله
الحما 
طيب خليك قاعد هنا دقيقه وجيالك ودخلت جوه وانا طلعت بالعصير
ليلي
اتفضل يا اسلام بالهنا والشفا
اسلام
تسلمي يا ليلي استني انتي رايحه فين
ليلي
هقعد مع ملك بنتي جوه
اسلام
انا بس كنت عايز اقولك انتي ليه قاعده هنا وليه مستحمله الاهانه دي كلها من حماتك انتي لسه صغيره ما تبصي حواليكي هتلاقي الف مين يتمناكي
ليلي
معاك حق يا اسلام بس اللي بيتمناني ده بيتمناني لوحدي مش بيتمني بنتي معايا وانا ما اقدرش اعيش من غير بنتي
اسلام 
طيب لو لقيتي حد يتمناكي انتي وبنتك ومش هيفرقكم عن بعض هتوافقي
ليلي
بعد اذنك يا اسلام انا هدخل عند بنتي وانا مش بفكر في كلام ده ودخلت جوه وما اخدش بالي من حماتي اللي مانت واقفه وسامعه الكلام بتاع اسلام وطلعت رمت الفلوس قدام اسلام وقالت
الحما
امسك دول الف جنيه عشان لو عايز تجيب حاجه لنفسك بدل هدومك اللي دابت دي
اسلام
انتي جيبتي الفلوس دي منين عزه ديما بتقول ان مش معاكي فلوس والمعاش بتاع جوزك الله يرحمه بيكفيكي بالعافيه