فاذا هوى القلب بقلم منال سالم

نحوهم
أيقن مهدي أن الوضع قد تأزم للغاية ويحتاج لاستخدام الحكمة والتريث لتداركه قبل أن يتفاقم أكثر من هذا
رسم ابتسامة زائفة على ثغره ولوح بيده في الهواء قائلا بنبرة ترحيبة 
أهلا يا حاج طه نورت حتتنا  
رد عليه طه پغضب 
لا أهلا ولا سهلا الكلام بينا خلص خلاص
هدر دياب بصوت محتد وقد أوشك على التصرف پجنون 
انت لسه هتكلم معاهم يا أبا سيبني
وضع طه كف يده على صدر ابنه مانعا إياه من الحركة وقائلا بقسۏة 
دياب
أراد مهدي التخفيف من حدة الأجواء ورد بحذر 
حقك عليا يا حاج طه أنا محقوقلك
نظر له طه بغل وهتف بامتعاض 
كويس
إنك عارف ده لأن أنا ولا ولادي بنسيب حقنا
تفهم مهدي تهديده الضمني وحافظ على ابتسامته الهادئة قائلا 
الكلام أخد وعطا تعالى نتكلم جوا 
لوح طه بيده في الهواء قائلا بضيق 
لا برا ولا جوا بنتي ترجع الأول  
رد عليه مهدي بجدية دون أن تطرف عيناه 
زمانتها عند الست جليلة اطمن دي كلمة شرف مني
وبالفعل رن هاتف الحاج طه فأجاب عليه بعد أن حدق في اسم المتصل
بدا حديثه غامضا وهو يردد 
قاطعه مهدي قائلا بعتاب خفيف مستنكرا ظنونه السيئة به 
عيب عليك يا حاج طه دي زي بنتي بردك هو أنا هأذيها
نظر له بتأفف ثم تمتم بعبوس 
طب اقفلي دلوقتي يا جليلة  
أشار مهدي بذراعه قائلا بود 
اتفضلوا يا جماعة جوا
اعترض منذر قائلا بغلظة 
لأ لحد كده واستوب 
بينما أضاف والده بصرامة 
شوف يا حاج مهدي باللي تعمل ده يبقلنا عندكم حق عرب
توتر مهدي قليلا من كلماته المقتضبة والتي يعي جيدا أنها بمثابة ميثاق شرف إن لم ينفذه فليتحمل العواقب
وزع أنظاره على عائلة حرب ثم ردد قائلا بتلعثم 
اه طبعا هو هو أنا بردك يرضيني حد يزعل مني ولا من عيالي
ثم زاد من ابتسامته المجاملة قائلا 
اتفضلوا اشربوا حاجة 
رد عليه طه بجمود 
وقت الأعدة بينا
ثم استدار برأسه ناحية ابنه البكري منذر وهتف فيه 
يالا يا بني من هنا خلينا نشوف مصالحنا
ماشي كلامك يا حاج
قالها منذر بامتعاض كبير وهو يرمق كلا من مهدي ومازن بنظرات ساخطة للغاية
في حين لم يتوقف كلا من مازن ودياب عن رمق بعضهما بنظرات عدائية فالكراهية بينهما ممتدة منذ فترة طويلة لم تخمد إلا لفترات محدودة لكنها تعاود الاشتعال بقوة من آن لأخر لأسباب كثيرة ومتشعبة
مال مازن برأسه على عدوه وهمس له بتوعد 
الحساب بينا مخلصش يا ابن حرب 
رد عليه دياب بصوت خفيض مهدد 
الحساب لسه في أوله وفاتورتك تقلت أوي معايا
لاحقا بداخل المكتب الخاص بإدارة سلسلة المطاعم حدج مهدي ابنه بنظرات مغلولة وعنفه قائلا 
شايف غباءك وصلنا لفين
رد عليه مازن بحنق 
يا بابا ما انت كتمتني كنت عاوز أعلم على ال دياب
نظر له مهدي بغيظ وهتف بنبرة مغلولة 
وانت كده علمت عليه ولا لبستنا في حيطة معاهم 
ثم صمت للحظة قبل أن يضيف بإنزعاج 
عارف أعدة العرب اللي هاتتعمل هاتكلفنا أد ايه
هتف مازن محتجا پغضب 
هو احنا ليه لازم نطاطي ليهم ما تسيبنا
قاطعه والده بصوت صارم 
بس انت مش فاهم حاجة أنا مش محتاج أعادي ولاد حرب دلوقتي خالص
اغتاظ مازن من تراخي والده واستسلامه لعائلة حرب مما يجعله يشعر بضعفهم أمامهم فصاح بنزق 
والله لو مجد كان هنا مكانش خلصه اللي اتعمل
اتسعت مقلتي مهدي لتبرزا من محجريهما فهو أدرى الأشخاص بطيش ابنه البكري وتهوره الغير محسوب العواقب
حاول السيطرة على انفعالاته قائلا بصعوبة 
مجد أخوك في السچن بسبب مخه الناشف وضيع نفسه بعنده فبلاش أخسرك انت التاني أنا محتاجك جمبي
لم يقتنع مازن بما ردده والده على مسامعه فالبغض بينه وبين دياب لم ولن ينتهي
فحبائل الكراهية ستظل موصلة بينهما حتى يقضي الله أمرا كان مفعولا
على الجانب الأخر أجلس طه ابنته الصغرى على حجره وداعبها من وجنتها متسائلا باهتمام 
حد عملك حاجة
هزت رأسها نافية وهي تجيبه مبتسمة 
لا يا بابا أنا أعدت عند طنط عواطف شوية وبعد كده نزلت معايا وجابتني في العربية لهنا
حرك رأسه بإيماءة خفيفة متمتما بنبرة مقتضبة
ماشي 
ثم ابتسم لها بألفة 
طب يا حبيبتي روحي أوضتك ذاكري
ماشي يا بابا
قالتها ومن ثم قبلته من صدغه ونهضت مبتعدة عنه لتذهب إلى غرفتها
اقتربت زوجته السيدة جليلة منه وأسندت صينية أقداح الشاي الساخنة على الطاولة المجاورة له وقبل أن تجلس على الأريكة سألها بغموض 
البت بخير
أجابته بثقة وهي تعطيه قدحه 
اطمن أنا فتشت في 
تناوله منها ورد بارتياح 
الحمدلله
خرج منذر من المرحاض مرتديا فانلته التحتية السوداء على بنطاله الجينز البالي اللون وهو عابس الوجه نظراته منزعجة شبه متوترة
التقطت أذنيه جزءا من الحوار الدائر بين والديه فتدخل فيه قائلا بصوت قاتم وهو يجفف وجهه بالمنشفة القطنية 
أروى ماتطلعش من المدرسة إلا ومعاها حد فايق مش هنديهم فرصة يكرروها تاني
رد عليه أباه قائلا بجدية 
أه ما أنا هاعمل كده
مط منذر فمه للأمام ولم يعقب بينما تلفت طه حوله ليسأله باهتمام بعد أن لاحظ تغيب ابنه 
أومال فين دياب
رد عليه منذر وهو يلف المنشفة حول عنقه 
مش باين من ساعة الخناقة
تنهد طه بإحباط ورد بصوت ممتعض 
أخوك جايبني ورا بعمايله
حدق منذر في وجه أبيه بجمود ورد عليه بقسۏة 
بلاش نفتح في الماضي يا حاج أنا وانت عارفين إنه اتاخد غدر
كز طه على أسنانه بشراسة ليضيف قائلا 
بنت الأبلسة لعبتها صح عليه ولولا يحيى كنت شارب من ډمها
هتفت جليلة بتوجس بعد أن لاحظت نظرات الشړ متجلية في أعين زوجها 
كله بالعقل يا حاج وحقنا هناخده منها
نظر ناحيتها وسألها بحدة 
أومال يحيى فين
ازدردت ريقها وهي تجيبه بحذر 
معاها
زفر بصوت مسموع منزعجا من إجابتها وسألها بتهكم 
استغفر الله العظيم والمحروسة هاتجيبه امتى
أجابته بهدوء 
أخر النهار إن شاء الله
صاح بصوت محتد متذكرا فعلتها النكراء قائلا 
ربنا ياخدها ويخلصنا منها
لم يرغب منذر في فتح ذلك الموضوع الشائك مجددا لما فيه من أمور مزعجة ومؤلمة للجميع فهتف بتأفف 
فضنا من الحوارات دي يا حاج طه عاوزين نشوف مصالحنا
نظر له رفيقه عماد بتوجس من تلك الكميات التي تناولها وتشدق قائلا بحذر 
مش كفاية يا دياب إنت إنت بقالك كام ساعة بتشرب
رد عليه بصوت مخټنق يحمل الڠضب بين طياته 
محروق ياخي إنت مش حاسس پالنار اللي جوايا 
حذره رفيقه قائلا 
عشان بس كترها مش حلو 
رد عليه دياب بمرارة وقسۏة 
يا ريتني أقدر أطفي البركان اللي قايد فيا بس مش قادر مش قادر يا عماد
تنفس عماد بهدوء وردد قائلا 
الموضوع إياه
تحول وجهه للتجهم الشديد وضاقت نظراته ثم أجابه بنبرة عامضة تحمل القتامة 
هو في غيره لعبتها صح أوي ولبستني العمة وأنا زي الدغوف شربتها على الأخر
رد عليه عماد محاولا التهوين
عليه قليلا 
هيجي يوم وتاخد حقك منها
تابع دياب بشراسة وهو يضغط على أسنانه بقسۏة 
لولا ابني يحيى وأبويا كنت دابحها
أضاف عماد بصوت رخيم 
أنا عارف بس ماتستهلش انك تعمل في نفسك كده
هتف دياب بقوة بعد أن استشاطت نظراته للغاية وبرزت عروقه من عنقه 
اللي حرقني أوي ابن أبو النجا عملهم عليا وأنا مشيت وراه من غير ما أديله خوانة
رد عليه عماد بهدوء 
ليه يومه بردك يا كبير
حدق دياب في الفراغ أمامه بنظرات تحمل الكثير وهتف من بين فمه بتوعد 
ايوه وكله بحسابه
بعد مرور أسبوعين لم
تقو قدماها على حملها وتكفلت سيدتان بإسنادها وهي تسير في الخلفية مودعة أباها للمرة الأخيرة إلى مثواه الأخير  
تلقت خبر ۏفاته كالصاعقة فأظلمت