اسيره القاسې بقلم سوما
كلنا ندعيلها بعد اذنك وبدأت فى المشى ثم عادت إليه اااه صحيح فاطمه حامل فى ولدين وكانت فرحانه اوى لما عرفت
عماد بدموع ربنا يقومها لينا بالسلامه
الطبيبه يارب
فى المركب
كريم بأبتسامه صح النوم يا قلبى كل ده نوم
سلمى بخجل ياااه انا نمت ولا ايه
كريم ايوه نمتى وروحتى فى سابع نومه
سلمى وهى تنظر الى ساعتها ياااه الساعه ٨ انا نمت كل ده
سلمى ووجهها يشتعل احمرارا زمان ماما وحنين قلقوا علينا احنا خارجين من الظهر ودلوقتى الساعه ٨ بالليل
كريم متقلقيش اكيد ماما هتعذرنا
سلمى بخجل طيب ممكن تخرج علشان البس
كريم بخبث وابتسامه جانبيه وتلبسى ليه رايحه فين
سلمى بخمس البس علشان نرجع الشاليه
كريم وهو هنرجع الشاليه مستعجله على ايه تعالى بس اما اكلمك فى موضوع اي
منذ أن أفاقت هبه وهى تحاول تهدئة حمزه الذى يتوعد لعائشه پالقتل لما فعلته بها
هبه خلاص يا حبيبي علشان خاطرى انا اهو كويسه
حمزه انتى مش خابره انى حسيت بأيه وانتى واجعه على الارض غرجانه فى دمك
هبه مهما حصل الله يسامحها المهم أن احنا كويسين
حمزه وهو يقترب من فراشها انتى ازاى هاديه أكده دى كانت هتجتلك فاهمه يعنى ايه عايزانى كيف اسببها تتنفس للحظه واحده فى الدنيا
حمزه وهو مټخافيش يا جلبى الحاجه الوحيده اللى ممكن تبعدنى عنك هى المۏت غير كده لا وكمان سميح انا خيرته بين أنه يسافر بالخلجات اللى عليه وميعاودشى تانى يا اما اسيبه فى الجبل وحده يا يعيش يا ېموت وطبعا لأنه جبان اختار أن يسافر ومن وجدتها مرجعشى تانى اطمنتى
حمزه ولا منك يا جلبى
بسم الله الرحمن الرحيم
لا تدع القراءه تلهيك عن الصلاه
الفصل الثامن والعشرون
فى اليوم التالى
فى المستشفى
تم نقل فاطمه الى غرفه عاديه وكان عماد ينتظر بجوارها حتى تفيق وكان شاردا فيما سيقوله لها عندما لاحظ انها بدأت تستيقظ
فاطمه وهى تضع يدها على بطنها اطفالى اطفالى
عماد وهو يقترب منها لا والله العظيم لا انا حبيتهم حبيتهم من قبل ما اشوفهم
فاطمه وهى تفيق هو ايه اللى حصل انا جيت ازاى هنا
عماد انتى تعبتى وانا جبتك على طول هنا
فاطمه وهى تنظر لذقنه النابته وملابسه الرثه ايه اللى عمل فيك كدا انت كويس
فاطمه بدهشة مكنتش بتروح ليه انا بقالى هنا اد ايه
عماد ثلاث ايام بس أن شاء الله هتكونى بخير انا واثق من كدا
فاطمه وهى تنظر إليه ببرود ايه اللى خلاك تسيب مراتك وتقعد معايا هنا
عماد لانك انتى كمان مراتى وانا مش هينفع اسيبك لوحدك
فاطمه ببرود وهى تنزع يدها من يده من امتى انا طول عمرى لوحدى عمرك انت فكرت انا عايزه ايه المهم عندك انت عايز ايه وبس مش مهم اى حاجه تانيه
عماد انا عارف انى كنت أنانى بس اوعدك كل ده هيتغير
فاطمه وهى تنظر للجهه الاخرى لو سمحت سيبنى لوحدى دلوقتى ارجوك اطلع بره
علم عماد أن نيل رضائها لن يكون سهلا ولكنه نفذ رغبتها وخرج من الغرفه وجلس على المقعد الموجود أمامها وابتسم بسعاده لأنه علم انها مازالت تحبه فقد قلقت عليه عندما رأت مظهره
فى الشاليه
بدأت سلمى تستيقظ فقد كانت تعلم انها نامت لوقت متأخر بسبب عودتهم من المركب فى شروق الشمس ولكنها وجدت نفسها بمفردها فى الغرفه فأرتدت ملابسها وخرجت لهويدا التى كانت تسمع صوتها وهى تتحدث مع حنين
سلمى بخجل صباح الخير يا ماما
هويدا بأبتسامه صباح الخير يا حبيبتي عامله ايه
سلمى الحمد لله امال فين كريم
هويدا خرج وقال رايح مشوار وراجع على طول قومى افطرى اكيد جعانه
سلمى انا اسفه اتأخرت فى النوم كان مفروض اصحى افطر حنين وحضرتك
هويدا ولا يهمك يا حبيبتي احنا فطرنا وشربنا اللبن كمان صح يا حنين
حنين صح انا شربت اللبن ماما سلمى انتى كنتى فين امبارح
سلمى بخجل كنت فى
مشوار يا حبيبتي انتى كنتى عايزه حاجه
حنين لا انتى بس وحشتينى وبابا كمان
سلمى وهى تحملها لتجلسها على قدميها وانتى كمان وحشتينى اوى ايه رأيك اعملك الايس كريم اللى انتى بتحبيه
حنين بفرحه بجد يا سلام يلا بينا
كريم المبتسم وهو يدخل الغرفه رايحين فين
سلمى حمد الله على السلامه رايحين نعمل ايس كريم
كريم صباح الورد والجمال يا حبيبتي
اشټعل وجه سلمى احمرار من جراءه كريم ولم تستطع الاجابه عليه سوا بالهمس
سلمى صباح النور احضرلك تفطر
كريم لو هتفطرى معايا ماشى
سلمى وهى تسرع الى المطبخ ثوانى والاكل يكون جاهز
وركضت إلى المطبخ لتخفى احمرار وجهها وتهدى من ضربات قلبها بينما كان كريم مازال واقفا فى مكانه ينظر الى اثرها مبتسما
فى منزل عبد الحميد
عبد الحميد تقصدى ايه بكلامك ده يا تهانى
تهانى قصدى واضح انا عايزه اجوز ابنى معايا فى الشقه الشقه كبيره وتساعى من الحبايب الف
عبد الحميديعنى انا اخلى بنتى تبيع ليا ورثها من امها وبعد كدا ابيع ليكى انا الشقه علشان تيجى دلوقتى تقوليلي انك عايزه تجوزى ابنك فيها
تهانى عليك نور يعنى انا مش بأخد رأيك لا انا بقولك بس وخلى بالك انت دلوقتى اللى قاعد فى شقتى يعنى لو مش عجبك الباب يفوت جمل
عبد الحميد انتى بتطردينى من بيتى يا تهانى بعد كل اللى انا عملته علشانك
تهانى انت مبتفهمش مبقاش بيتك بقى بيتى واه بطردك لانك راجل دلدول بكلمه منى طردت بنتك من بيتك ورمتها لكلاب السكك ودلوقتى انا بقى اللى مش عايزه اعيش معاك
عبد الحميد وهو يضع يده على قلبه ايه اللى انتى بتقوليه ده
تهاني ببرود اللى انت سمعته ويلا حل عن سمايا وفارقنى
شعر عبد الحميد بضيق فى تنفسه وتذكر كل ما فعله بأبنته فبالفعل تهانى على حق هو من باع ابنته فى البدايه والان ليعيش مع نتيجه ما فعل واذداد ألمه ثم شعر بأن الغرفه تدور به ثم اسودت الدنيا امام عينيه ليسقط أرضا
بعد مرور اسبوعين
مازال يوسف بالخارج حتى يجرى الجراحه ويتحدث يوميا مع رقيه التى قصت عليه كل ما حدث فى منزل والدها فواساها يوسف ووعدها بأنه يقوم بتحضير مفاجأه لها ستعجبها للغايه
ابتسمت الحياه لسلمى بسبب حب كريم لها والذى يحاول بشتى الطرق إثباته ويعيشون معا اسعد ايام حياتهم وعادوا الى الفيلا لتتفاجأ أن كريم قد أمر الخدم بأزالت صور سالى من الفيلا حتى لا يضايقها ولكنها أعادت الصور الى مكانها خوفا على مشاعر حنين حتى لا تشعر بأنها السبب فى ذلك مما ذاد مكانتها فى قلب كريم وعقله
عندما علم عم حمزه بما فعلت ابنته وعدم رغبه هبه فى الابلاغ عنها حپسها فى منزله وزوجها الى ابن احد اصدقاؤه الذى يعيش فى الكويت حتى تبتعد عن قنا نهائيا بينما سافر حمزه وهبه الى المانيا بعد تأجيل سفرهم اسبوع ويقضون اوقات رائعه
مازال عماد يحاول كسب ثقه فاطمه التى تقابل كل محاولاته بالنفور والابتعاد وقد أصبحت فى منتصف الشهر السادس من الحمل وذاد حب عماد لطفليه عندما حضر السونار ورأهم يتحركون فى بطن والدتهم واصبحت ريهام تتصل به يوميا حتى يعود إلى المنزل ولكن عماد يجيب عليها أنه لن يعود بدون فاطمه
بسم الله الرحمن الرحيم
لا تدع القراءه تلهيك عن الصلاه
الفصل التاسع والعشرون
فى فيلا يوسف
كانت رقيه نائمه فى غرفتها عندما شعرت بمن يداعب شعرها ووجنتها ففتحت عينيها وجدت انها تنظر مباشره فى عينى يوسف الذى يبتسم لها بسعاده ويقول
يوسف انتى متعرفيش انا حلمت باللحظه دى اد ايه انى اشوفك وانتى نايمه وشعرك مفرود حواليكى بس عمرى ما تخيلت انك تكونى بالجمال ده
كانت رقيه مازالت مذهله من وجود يوسف أمامها وعندما تحدث تأكدت انها لا تحلم وأنه يراها حقا
رقيه بدموع انت شايفنى انت شايفنى يا يوسف
يوسف ايوه شايفك يا روح وقلب يوسف
رقيه الف مبروك يا حبيبي الف مبروك يا عمرى
يوسف الله يبارك فيكى يا حبيبتي وبنبره خبث بس قوليلى ايه الجمال ده
انتبهت رقيه الى ما ترتديه فقد كانت ترتدى قميص بنص كم وردى يصل للركبه
رقيه ووجنتيها تشتعل احمرارا غمض عينك متبصش
يوسف انتى مراتى يا مجنونه بس متقلقيش هفضل عاقل لغايه يوم الفرح
يوسف انا هسبقك على تحت وانتى البسى وحصلينى علشان تشوفى جبتلك ايه معايا اه وخلى بالك طارق قاعد تحت
رقيه حاضر يا حبيبي متقلقشى
وبالفعل هبط الى الاسفل وبعد لحظات دخلت عليهم رقيه التى ترتدى تيير باللون النبيتى وحجاب متناسق
وفاء تعالى يا رقيه شوفتى يوسف ضحك علينا ازاى
رقيه وهى تجلس بجوار يوسف اه صحيح انا كلمتك امبارح قولتلى أن العمليه لسه بعد اربع ايام
يوسف بأبتسامه انا عملت العمليه من من تلات ايام بس مقولتش ليكم علشان تبقى مفاجاه
رقيه واحلى مفاجأه والله
طارق وهو يقف انا هقوم بقى اروح علشان افاجئ مراتى انا كمان
وفاء ماشى يا حبيبي ربنا يهنيكم يا رب
طارق اللهم امين
فى المستشفى
كان عماد يمارس مهامه اليوميه من اطعام فاطمه ومساعدتها
على دخول المرحاض على الرغم من اعتراضها ولكنه كان موجود دائما ولا يترك اى ممرضه تقترب من فاطمه بل يفعل لها هو كل شئ ولم يعد إلى المنزل سوا مره واحده قام بتبديل ملابسه وعاد اليها سريعا
فاطمه ببرود انت مش هتروح بيتك بقى ولا ايه
عماد وهو يرتب حولها الغطاء لا مش هروح محتاجه حاجه قبل ما تنامى اعملهالك
فاطمه لا شكرا مش عايزه حاجه ياريت تروح بقى انا بقيت كويسه
عماد يارب دايما بس بردوا مش همشى
فاطمه طيب على الاقل روح غير هدومك واحلق دقنك انت كدا بتتعبنى اكتر خلى بالك
عماد لا احنا مش عايزين تعب حاضر هروح دلوقتى اغير هدومى وارجع على طول مش محتاجه حاجه من البيت
فاطمه لا شكرا اااه صحيح فين المذكرات بتاعتى
عماد دون أن ينظر اليها معايا
فاطمه انت قريتها مش كدا وعندما لم يجيب عليها انت قريتها ازاى تعمل دى حاجه خاصه بيا
عماد صدقيني دى كانت اخر حاجه انانيه عملتها من يومها بس انا مش ندمان عليها عارفه ليه لان لولا انى قريت المذكرات دى كنت فضلت اعمى طول عمرى
فاطمه وهى تغمض عينيها لو سمحت طفى النور وانت خارج
عماد يا فاطمه أرجوكى اسمعينى بس انا
فاطمه بدموع ارجوك سيبنى دلوقتى
