بترتيب من القدر ج١ بقلم نشوه عادل

بتعملى كده!
سهر بعمل ايه بالظبط!
مصطفى بتتهربى منى مع انك واثقة انى بحبك ويمكن من اول مرة شوفتك خطفتينى
سهر انا اسفة يا مستر مصطفى مش هينفع
مصطفى سيبك من مستر دى احنا مش ف الشركة دلوقتى بس انا عاوز اعرف ليه
سهر بتنهيدة عشان ببساطة هكون بظلمك معايا 
مصطفى بغصة هو انتى فيه حد تانى بحياتك يعنى اعتبرينى صديق واحكيلى واوعدك محدش هيعرف 
سهر كان فيه حب ف حياتى او يمكن لسه موجود مش عارفة بس اللى متأكدة منه انه كان حب من طرف واحد اللى هو انا لكن هو عمره ما حبنى دايما بيتعمد يجرحنى ويهين كرامتى لحد ما خلانى کرهت قلبى اللى حبه لكن مقدرتش اكرهه هو بحاول انساه واتخطاه عشان اقدر اكمل من غيره لكن بعترف انى فشلت 
مصطفى مين مچنون واحدة زيك تحبه ويرفضها الا اذا كان غبى 
سهر لا مش غبى ولا حاجة لكن الحب مش بالعافية يمكن يكون مش حب اصلا جايز تعود جايز مراهقة جايز لانى معرفتش غيره بحياتى احتمالات كتيرة بس ف الاخير هيكون غلطى انا انى حبيته واتعلقت بيه وهو اصلا مكانش بيبادلنى نفس الشعور 
مصطفى انتى جميلة اوى يا سهر مش شكل وبس روحك كمان وقلبك ابيض وتستحقى كل الحب والخير اللى بالدنيا وانا مش هييأس انا هكون جنبك دائما هخليكى تتخطى هثبتلك انى استحق منك فرصة ممكن توثقى فيا
سهر خاېفة اظلمك معايا 
مصطفى بس انا واثق انى هخليكى تنسى
سهر جيبت الثقة دى منين
مصطفى من قوة حبى ليكى وبكرة الايام تثبتلك كلامى وبكرة ده ان شاء الله مش هيكون بعيد 
ابتسمت سهر شكرا بعد اذنك لازم أمشى بقى
مصطفى طب ممكن اوصلك 
سهر اوك 
وفى يوم كان الجميع متجمع ع العشا ومصطفى كذلك كان موجود خصوصا ان عمر طلب منه انه يكون موجود 
عمار ف ايه ي عمر انت مجمعنا كلنا ليه!
عمر بصوا ي جماعة انا عندى ليكم خبر هيفرحكم اوى وخصوصا انتى ي ست ماما عشان بقالك فترة بتذنى عليا بخصوص الموضوع ده 
انتصار خير ي حبيبى!
عمر انا قررت اخطب وووووو......يتبع
بترتيب_من_القدر الثامن
بقلم_نشوه_عادل
انا قررت اخطب واظن ي ماما دى اكتر حاجة ممكن تفرحك وبتلحى عليا بقالك فترة 
انتصار بصت لسهر اللى نظرت اليها بمعنى انه اكيد مش انا ...انتصار بفرحة يعنى اخيرا عقلت وعرفت انى عايزة مصلحتك 
عمر ده اكيد ي امى وبعدين قدر بنت محترمة وحرفيا قدرت تسيطر عليا بكل حواسى والوحيدة اللى قدرت ټخطف قلبى 
انتصار پصدمة نعم! مين قدر دى انت اكيد بتهزر!
عمر لا يا امى مش بهزر هى دى البنت الوحيدة اللى خطفت قلبى ولقيت فيها الزوجة وام اولادى 
انتصار طب وس................
سهر مقاطعة لما حست اسمها هيتقال وتتهان للمرة المليون قالت مبارك يا عمر ربنا يكملك ع خير بس يا ترى قدر دى بقى البنت اللى ف الشركة صح!
عمر ايوة انتى تعرفيها!
سهر طبعا دى زميلتى بالشركة وبنوتة رقيقة ومرحة وكل الموظفين بيحبوها وانا شخصيا بحب اتعامل معاها وبجد عرفت تختار
عمر شكرا وعقبالك انت اكيد هتكونى موجودة
سهر ده اكيد مش اخت العريس 
انتصار پصدمة موظفة بالشركة! انت اټجننت اكيد واحدة بتشتغل عندك يعنى مش من مستوانا
لكن قبل ما يرد عمر تدخل احمد وقال وايه المشكلة ي مدام لما تكون موظفة عندنا ومستوى ايه اللى بتتكلمى عنه تحبى افكرك بأصلى واصلك وافكرك كنا عايشين ازاى قبل ما ربنا يفتحها عليا انتى ف ايه بجد من امتى وتفكيرك كده 
انتصار انا مقصدتش كده وانت عارف كويس انا قصدى ايه 
احمد وانا قولتلك قبل كده ابنك مش بنت بنوت ودى حياته وهو حر فيها
انتصار خلاص ي عمر انت حر بس صدقنى هتندم لانى مش راضية عن الجوازة دى 
مشيت انتصار واستأذنت سهر ودخلت ع اوضتها ...عمار معليش ي اخو ماما متعصبة شويه بس انا واثق انها هتهدى لما تشوفك فرحان وسعيد بحياتك 
عمر انا بس خاېف انها تعامل قدر بطريقة مش كويسة وانا عمرى ما هقبل بحاجة زى دى 
احمد وده مش هيحصل طول ما انا موجود وف الاول والاخر انتصار ام ومش هيهمها غير مصلحتكم 
مصطفى مبارك عليك ي حبيبى 
عمر عقبالك يا اخويا 
مصطفى بحزن ان شاء الله استأذن انا بقى 
عمر استنى ي مصطفى عاوزك 
اخده عمر وخرجوا برة وقاله ف ايه مالك بقالك كذا يوم مش عاجبنى 
مصطفى متشغلش بالك انا بخير شوية إرهاق مش اكتر المهم ناوى تتقدم امتى!
عمر اقرب فرصة هكلم والدة قدر واخد منها ميعاد 
مصطفى ربنا يتمم ليك ع خير يا حبيبى يلا تصبح ع خير 
دخل عمر وكان مصطفى راكب عربيته سند راسه بتعب وفتح عينه عشان يتحرك لقى سهر واقفة ادام العربية نزل بسرعة وراح عليها فيه حاجة ي انسة سهر!
سهر من غير انسة احنا برة الشركة ي مصطفى
تفاجئ مصطفى وقال بترديها ليا ماشى ي سيتى عاوزة حاجة
سهر مش انت قولتلى هنكون اصحاب 
مصطفى اكيد 
سهر عاوزة اتمشى شويه واكل ايس كريم ممكن
مصطفى طبعا بس لازم استأذن من خالى
سهر انا استأذنت طبعا وهو قالى الساعة ١٠ اكون هنا 
مصطفى تمام اتفضلى
عدت الايام وطلب عمر من قدر يتكلم مع والدتها ويقابلها وطبعا وافقت سماح وراحت قابلته ف مكان عام هى وقدر 
عمر حمدالله ع سلامة حضرتك 
سماح الله يسلمك يا ابنى كتر خيرك ع وقفتك جنبنا الفترة اللى فاتت حقيقى شكرا 
عمر العفو انا معملتش الا واجبى انا بصراحة طلبت اقابل حضرتك عشان موضوع مهم 
سماح خير يارب 
عمر بصى حضرتك انا يعنى راجل عسكرى وصريح ومش بعرف اقول مقدمات وكده بس انا بحب قدر وعاوز ادخل البيت من بابه 
اتفاجئت قدر من صراحته حطت وشها بالارض وامها ابتسمت وقالت وانا بقدر الصراحة وبحترمها
عمر طيب اقدر اخد ميعاد من حضرتك امتى عشان اتقدم انا واهلى
سماح شوف الميعاد اللى يناسبك وانا معاك اكيد 
عمر اخر الاسبوع تمام 
سماح وماله ي ابنى 
رجع عمر ع البيت وكانت امه قاعدة ف الصالة وع اخرها لفت وشها الناحية التانية لما شافته 
عمر هتفضلى كده كتير يعنى اهون عليكى بذمتك 
انتصار اه عادى طالما هان عليك زعلى وكسرت كلمتى وعاوز تعمل اللى ف دماغك 
عمر طب بذمتك ينفع نتجوز وانا قلبى ملك لغيرها هو كده مش هظلمها طب كده احسن ولا نتجوز ونطلق والعلاقات بينا كأهل تتقطع صدقينى ي امى سهر مش بتحبنى سهر اتعلقت بيا مش اكتر وبكرة ربنا يرزقها بابن الحلال وبعدين انتى يهمك ايه اكتر من انى اكون مبسوط وسعيد 
انتصار اكيد سعادتك وراحتك اهم 
قبل عمر يدها وقال وانا متأكد انك هتحبيها اوى 
انتصار واخدت منهم ميعاد 
عمر ان شاء الله اخر الاسبوع حضرى نفسك بقى ي ام العريس
عدى الاسبوع اخيرا وكانت قدر ف اوضتها حاطة كل الهدوم قصادها وبتختار منها دخلت عليها سماح وقالت حبيبتى القمر هتكون عروسة
قدر كويس انك جيتى تفتكرى البس ايه يليق عليا ها 
سماح اى حاجة عليكى هتكون حلوة ي حبيبتى 
طلعت شنطة وقالت انا اشتريت ده يارب يكون مقاسك ويعجبك 
قدر بفرحة الله ده حلو اوى وكمان اللون اللى بحبه 
سماح طب يلا جهزى نفسك الناس زمانهم ع وصول 
جرس الباب رن
سماح باستغراب معقول هما بس جايين بدرى ليه
قدر لا مش هما اكيد سالى وايمان اصحابى 
راحت سماح فتحت ليهم ودخلوا ع قدر وابتدوا يلبسوها ويجهزوها وع المغرب وصل عمر وعائلته 
انتصار بتهكم ونعم المكان والاختيار ي ابن بطنى
عمر من فضلك ي ماما بلاش الكلام اللى يجرح الناس ويحرجهم ارجوكى 
طلعوا ع فوق وفتحت ايمان ليهم ودخلتهم الصالون ف نفس الوقت كانت سماح بالمطبخ بتحضر العصير
ايمان يلا ي طنط الناس وصلت اطلعى انتى ليهم وانا هخلى قدر تقدم العصير 
سماح ماشى ي حبيبتى عقبال ما اعملك 
خرجت سماح ليهم وقالت اهلا وسهلا 
اتسعت عيونها پصدمة ....انتصار پصدمة اكبر انتى  ووووو...يتبع
بترتيب_من_القدر التاسع
بقلم_نشوه_عادل
انتى.... مش ممكن مستحيل انتى راجعة بعد كل السنين دى كلها ليه ها لسه عندك امل انك تهدى بيتى اللى مصدقت بنيته ردى عليا راجعة ع حياتنا تانى ليه 
عمر بعدم فهم ي ماما اهدى ايه اللى بتقوليه ده انا مش فاهم حاجة ابدا 
نظرت انتصار لاحمد وقالت دلوقتى بس عرفت انت ليه كنت دايما واقف ف صف ابنك وعاوزه يتجوز من البنت دى اتاريك عاوز فرصة تقرب فيها من حبك القديم 
احمد وضربات قلبه تتزايد طبعا انا لو حلفت ليكى انى اول مرة اعرف ان قدر بنت سماح عمرك ما هتصدقى 
خرجت قدر ع صوت الزعيق وهى ملهوفة وراحت مسكت والدتها اللى مڼهارة من العياط ف ايه ي ماما ايه اللى بيحصل!
انتصار انتى بقى بنتها الطبع ماشى ف ډم العيلة دى يخطفوا الرجالة زمان امك كانت عايزة تاخد جوزى ودلوقتى جاية انتى تاخدى ابنى منى وتعصيه عليا  
عمر ايه اللى بتقوليه ده يا امى ي بابا من فضلك فهمنى ايه اللى بيحصل 
انتصار انا اقولك الهانم دى كانت حب ابوك القديم من ايام الكلية بالرغم من انها كانت عارفة ان انا وابوك مخطوبين بس مكنش عندها اى مانع تاخده منى لحد ما عرفت باللى بينهم وخيرت ابوك بينى وبينها فاختار الغالى طبعا وقعدت فترة طويلة پعانى عشان اخلى ابوك ينسى حبها ودلوقتى بنتها بتكرر نفس الحكاية مع بنت اخويا 
قدر لو سمحتى انا مسمحلكيش تتكلمى عن امى بالطريقة دى وماما عمرها ما تكون سبب لخړاب بيت زى ما انتى بتقولى
احمد كفاية لحد كده ي انتصار ومفيش داعى ابدا تفتحى ف مواضيع قديمة اتقفلت من زمان 
انتصار بدموع لا متقفلتش اوعى تكون فاكر انى مش عارفة انك لسه ف قلبك مكان ليها حتى بعد العمر ده كله اللمعة اللى ف عينك دلوقتى اول ما شوفتها اللى كنت دايما بتمنى اشوفها منك حتى لو لمرة واحدة وانا اللى اولى بيها 
احمد قولتلك كفاية من فضلك احنا هنا عشان ابنك مش عشان نفتح ف مواضيع قديمة
انتصار الجوازة دى لا يمكن تتم 
عمر ماما انتى بتقولى ايه انا معرفش انتى بتتكلمى عن ايه ولا ايه اللى كان بينكم انا اللى اعرفه انى بحب البنت دى وعاوزها وان لا انا ولا هى لينا اى ذنب ف حساباتكم دى خرجونا منها ومتربطوش حياتنا بيها
انتصار وانا بقولها ليك من دلوقتى ي انا يا هى 
نظر ليها عمر بحزن واتنهد وقال انا بحب قدر ي ماما ومش هتخلى عنها لاى سبب 
انتصار بدموع يبقى اعتبر من النهاردة ملكش ام اعتبرنى مت 
نزلت انتصار جرى واحمد طلب من عمار وسهر يلحقوها وميسيبوهاش 
احمد انا اسف ع اللى حصل ارجوكى ي بنتى تقبلى اعتذارى 
قدر بس انا لازم اعرف المدام كانت تقصد ايه بكلامها وايه علاقتك بماما!
احمد قعد بتنهيدة الحقيقة ان مامتك كانت هى اللى هتكون مراتى انا كنت بحبها جدا من قبل ما اخطب انتصار لكن للاسف اهلى غصبونى اتجوز انتصار عشان مصالح بين العيلتين ومقدرتش ادافع عن حبى بس بعد الخطوبة مقدرتش امنع نفسى عن والدتك فخبيت عنها انى خطبت لحد ما انتصار عرفت وراحت لوالدتك وهزقتها ادام كل الطلبة وهددتها كمان وقتها سماح سابت الكلية خالص ومشيت من البلد ومعرفتش عنها حاجة ولا قدرت اوصلها يمكن اول مرة شوفتك فيها ندهتك باسمها
نظرت قدر لوالدتها بحزن وقالت حقك عليا انا متزعليش 
سماح بخنقة ازعل ع ايه طول عمرى مظلومة ودايما كبش فداء 
عمر انا اسف ي طنط لكل اللى حصل وارجو ان ده ميأثرش ع طلبى من الجواز بقدر 
سماح انت بتحبها بجد!
عمر والله بجد اومال انا هنا ليه
سماح طب اوعدنى انك هتحميها وتصونها ومتخليهاش ټندم ع حبها ليك 
عمر اوعدك ي امى 
احمد يبقى نقرأ الفاتحة بقى ع خيرة الله 
تمت الخطوبة ورجع احمد ع البيت رمى المفتاح پغضب وقال ممكن اعرف ايه اللى عملتيه ده وكان لزمته ايه
انتصار پغضب جاى بعد ما قعدت معاها وشبعت منها انا ازاى كنت غبية كده لما فكرت انك نسيتها وانك فعلا حبتنى وانى مش مجرد ام لعيالك وخلاص 
احمد انتى ايه انتى عقلك ده هيفضل صغير لامتى ابنك ذنبه ايه يتحرم من حبه عشان يدفع تمن حقدك وكرهك ولما انتى اتوجعتى من العيشة معايا زى ما بتقولى ليه عاوزة تكررى الحكاية مع ابنك وبنت اخوكى ليه!
انتصار پصدمة وهى بتحط ايدها ع قلبها يعنى انا كنت صح انت محبتنيش ولسه قلبك معاها مش كده
احمد بهدوء ي انتصار اكبرى ده انتى شعرك شاب وابنك كام شهر ويجيبلك حفيد احنا مش لسه شباب مراهق لما انتى بتعملى كده سيبتى ايه لولادك
انتصار پغضب تعرف ي احمد انا بلعڼ نفسى وقلبى انا فعلا بكره اليوم اللى عرفتك وحبيتك فيه 
احمد پغضب اكبر وانا محبتكيش اصلا 
هذه الكلمات كانت كافية انها بسببها تسمع صوت قلبها بيتكسر دخلت ع اوضتها ورزعت الباب وقفلته عليها وقعدت ټعيط 
سهر معليش ي اونكل سوء تفاهم وهيعدى بس حضرتك وجعتها اوى بكلامك الاخير
احمد هى اللى استفزتنى وانا اتخنقت من تصرفاتها وتحكماتها 
مشى احمد ورزع الباب وقفت سهر وعمار يبصوا لبعض شويه ولقوا انتصار خارجة بشنطة هدومها 
عمار ع فين ي ماما انتى واخدة شنطة هدومك ورايحة فين ف وقت زى ده 
انتصار رايحة ع بيت جدك هتيجوا معايا ولا هتفضل مع ابوك 
عمار ي ماما ارجوكى اهدى انتى كده بتكبرى الموضوع 
الباب اتفتح وكان احمد واتفاجئ لما شافها شايلة شنطتها ....احمد رايحة ع فين!
انتصار طلقنى ي احمد 
احمد پصدمة انتى بتقولى ايه ووووووو...يتبع
بترتيب_من_القدر العاشر
بقلم_نشوه_عادل