اخت زوجي

وانا الي استاهلك لوحدي
مقدرتش اكمل واسمع اكتر من كدا طلعت علي اوضتي بصعوبة قعدت وانا حاسه قلبي هيقف من اللي شوفته مكنش فارق معايا خيانه مصطفي ليا قد ما فارق معايا انهم اخوات ازاي حتي يفكروا في بعض ورجعت وقلت لا اكيد مش اخوات اكيد في سر انا معرفوش مكنش قدامي غير اني أحاول انام واستني للصبح
وجه الصبح نزلت بسرعه عند حماتي خلصت كل شغل البيت ورحت قعدت جنبها كنت قاصده افاتحها في الكلام يمكن اعرف اي معلومه منها  والكلام جاب بعضه وقولتلها بس انتي يا ماما مفكيش شبه خالص من هبه لقيتها سكتت حسيتها مش لاقيه كلام تقوله 
قولتلها سكت ليه يا ماما مردتش عليا برضوا قربت منها وحاولت اطمنها بكلمتين وقولتلها ماما انا بقيت واحده منكم يعني سرنا واحد وعملت اني زعلانه وقلت يبقي انتي مبتثقيش فيا قالتلي اخص عليكي يا مريان علي العموم هقولك عشان انتي بقيتي زي بنتي بصتلها وانا علي ڼار عاوزه اعرف وفعلا قالتلي كل حاجه بالتفصيل ودي كانت المصېبه الأكبر ......
يتبع
الجزء السادس .. اخت زوجي
وفعلا قالتلي كل حاجه بالتفصيل ودي كانت المصېبه الأكبر ...... 
زي ماتوقعت مطلعوش اخوات 
حكتلي حماتي من اول يوم ولدت فيه مصطفي حصلها ڼزيف وشالت الرحم ومن ساعتها حالتها النفسية وحشه كان نفسها في بنت اوي لدرجه انها كل ما بتشوف بنت صغيره بټخطفها من أهلها وتقول دي بنتي انا 
والد مصطفي كان زعلان عشانها وقرر يتبني هبه عشان حالتها الصحية تتحسن زي ما الدكتور الأمراض النفسية طلب منه كان ساعتها مصطفي عنده 10 سنين وهبه كان عندها 5 سنين  مصطفي في الاول مكنش متقبل هبه بس بعد كدا مبقوش بيفارقوا بعض ولا ثانيه
ساعتها بس فهمت كل حاجه كنت عاوزه اصړخ بكل ما فيا  وقمت طلعت جري علي شقتي حماتي فضلت تنادي عليا مردتش عليها وكملت جري اترميت علي السرير وفضلت اعيط جامد وقلت ليه عملوا فيا كدا ليه اتجوزني وهو بيحب واحده تانيه يارب انا عملت ايه عشان يحصلي كل دا انا من ساعه ما اتجوزت ماشوفتش يوم حلو ومع ذلك راضيه بس خلاص انا سكت كتير اوي وزي ما هبه قالت يا هي يا انا كنت بصراحه   لسه باقيه عليه  وبتمني يختارني انا عشان مش عاوزه اخرب بيتي  قمت ومسحت دموعي ونزلت تحت ودخلت اوضه هبه قالتلي خير مسكت أيدها قولتلها تعالي معايا شدت أيدها پغضب وقالت اجي معاكي فين انتي مجنونه قولتلها وانا منفعله ايوه اټجننت ودا بسببكوا انتوا ليه معرفتنيش بالحقيقه كنت هرفض الجوازه دي بدل ما انتوا بتستغفلوني كدا
ليقتها بتقرب مني وبتقولي كنت عارفه هيجي يوم وتعرفي انا اسفه انا عارفه ملكيش ذنب في حاجه 
صړخت فيها باعلي صوتي وقولتلها لما انا مليش ذنب ليه عملتوا معايا كدا قالتلي  عشان ماما ماما لما اكتشفت أننا بنحب بعض هددتنا تسبلنا البيت وتمشي ومنعرفلهاش طريق  لان انا بنتها ومستحيل تشوفني مرات ابنها مريان انا بعتذرلك مره تانيه 
رديت عليها وقلت وانا مش عاوزه اعتذارلك انا عايزه مصطفي يعني ابعدي عن جوزي  ضحكت بتريقه وقالتلي دا بعينك انا عمري ماهبعد عنه ولا هو هيسبني ابعد عنه 
بصراحه خفت من كلامها وقلت ماشي هنشوف هيختار مين 
قلت لنفسي اكيد هيختارني انا عشان هيخاف علي زعل والدته 
اتصلت بمصطفي وقولتله يجي وفعلا جه وجمعتهم كلهم وقولتلهم كل الي شوفته عرفته حماتي اټصدمت وقامت بسرعه مسكت ايدي وقالتلي وهي بتتوسلني ارجوكي يابنتي متسبيش مصطفي والي انتي عايزاه انا هعملهولك رديت وقلت وانا مش هسيب مصطفي بس هنمشي من هنا ونشوف شقه تانيه نستقر فيها ردت حماتي بفرحه وقالت  موافقه رد مصطفي وقال وانا مش موافق .......
يتبع
الجزء السابع والاخير .. اخت زوجي
ردت حماتي بفرحه وقالت  موافقه رد مصطفي وقال وانا مش موافق .......
بصراحه مكنتش متوقعه ردة فعله فكرته هيحس بالذنب تجاهي ع عملوا فيا بس طلعت غلطانه وطلعت اغبي مما كنت اتصور وكمل كلامه وكان موجه لحماتي وقال انا وافقت اتجوز مريان عشانك وعشان متبعدنيش عن هبه قولتلك ياماما انا مقدرش اعيش من غيرها ومقدرش احب ولا اشوف غيرها ومع