الهدف بقلم Salspil_A_Mahmoud

ماما!! قصدي انها كاتمه حاجه معينه! و بتعمل حاجه او هتعمل انا مش قادر افهم لكن اصرارها انها قوات خاصة مش طبيعي! فضلت اقول يمكن عشان بابا لكن دي مكنتش رغبتة! كان دايما يقولها ده مجال صعب و مش اي حد يدخله
يبقي لازم تتصرف و ترجعها !!!! انت بتقولي كل ده و عارف كل ده و سايبها!
طيب هنعمل اية
نكلم عمك!
اها الى هي مش بطيق ابنه هتسمع كلامه هو!
بعصبية اتصرف يا علي !!! رجعهالي بأي شكل
حاضر يا ماما حاضر اهدي هتصرف.
سبحان الله وبحمده سبحان الله العظيم 
في سينا 
زين لين انتي كويسة
بصتله ورجعت بصت للأرض انا كويسة يا زين بس مش عايزه اكلم حد دلوقتي معلش
زين عمتا متقلقيش من حاجه المهم اننا كلنا تمام
مشي و سابها و هي كانت حطه راسها بين ايديها و سانده على رجلها و ياسين متابع كل الى بيحصل و مركز معاها و هي مش واخده بالها 
اكيد في حاجه خلتها تعمل كدا انا مش فاهمها.. بس هي كده غلطت و خالفت اوامري دي مفروض تتعاقب دة غير طبعا لما نرجع و القيادة تطلبها... 
الطيارة وصلت و ركبوا كلهم و لين فصلت ساكتة و واخده جمب لوحدها و ياسين بدء يحس انوه مكنش ينفع يزعقلها كدا ويفهم اتصرفت كدا ليه وهو شاكك فحاجة معينة اصلا! 
صلي على محمد
وصلوا المبني و كان آسر في استقبالهم بره 
آسر انت كويس وهما بخير
ياسين بهدوء اها كلنا كويسين
لف للمجموعة اتحركوا على الاوض دلوقتي.
مشيوا كلهم و هو فضل مركز مع لين وبعدين بدء يمشي بسرعه هو وآسر ناحيه مكتب العقيد 
اية الى حصل يابني 
هشرحلك جوه 
و دخلوا المكتب و بعد اللقاء التحيه على العقيد واللواء الى كان موجود اطمنوا عليه وبعدين بدأو يسألوه عن الى حصل
العقيد دي اول مرة تحصل ان مهمة معاك تفشل يا ياسين مكناش متوقعين كدا!
يافندم التعامل كان شديد علينا و المعلومات الى جاتلنا انهم اربع افراد بس و لكن هما كانوا اكتر غير اني ملاحظتش اي اثر لاسماعيل و احنا كان هدفنا هو.!
فا مقدرتش اخاطر خصوصا انها اول مره لكل الملازمين الى معايا و لما مشيوا سبناهم
اللواء محمود يعني اسماعيل مكنش وسطهم!
مكنتش متأكد سيادتك عشان كدا مقدرتش اهجم و اضطرينا ندافع بس لما لقناهم بيضربوا علينا وكشفونا
اتكشفتوا! ازاي ده حصل
اعتقد انهم شافونا لأن كان في منهم واحد
على الجبل و اشتبكوا معانا فا كل ده مكنش مترتب لي لكن الحمد لله كلنا كويسين و الملازمين كانوا قدها اتوزعنا بطريقة صح هيأت ليهم ان عددنا كتير فا هربوا
اللواء وقف و رتب على كتفه تمام انا هبلغهم بالي حصل فالمركز و هنحاول نعرف هربوا على فين
ياسين بستأذن معاليك المهمه دي احنا الى هنطلعها تاني و هنجيب الهدف
العقيد ضحك وبص للواء اصل ياسين مبيحبش يخسر
اللواء اها طبعا ماهو من ابطال المجال
سلموا على بعض برسميه و ياسين خرج مع آسر 
انا مش مصدق انك خسړت مهمة همسكها عليك لأن ده حدث بيجي مره واحده.
يعم ماشي انت عملت اية
المهمة اتلغت يعم العيال الى كنت رايح اجبهم هربوا قبل ما نوصل معرفش ازاي
اها اكيد لما عرفوا ان المقدم آسر بنفسه هيبقي القائد اترعبوا
يخفيف!
سمعوا صوت العقيد عاوزك يا ياسين
آسر بصله ورفع ايده اللعب هتاخد جزا ده يبقي حدث بجد و هنزلة فالجرايد
ياسين بغرور جزا مين ريح وسع لما اشوف اي الموضوع
اتجه للمكتب و العقيد طلب منه يقعد قصاده
خير سيادتك!
خير ان شاء الله قبل ما تطلع المهمة دي الكاميرات جابت ان الملازم ليان عدلي خرجت من المبني و ده ممنوع و سيادتك خرجت وراها
ايوه حصل حضرتك انا خرجت ارجعها و عرفتها حدودها كويس و كنت مقرر هتتعاقب على ده لكن قالت ان ده كان ظرف طارئ عشان تشوف والدتها قبل ما تطلع كانت تعبانة اعتقد فا فضلت معاها حسب التعليمات مينفعش يتحركوا لوحدهم فترة وجودهم فالمبني!
العقيد ضحك وبرم شفايفه امممم كسبت النقاش كالعادة يعني و بتجاوب بدبلوماسية
العفو يافندم لكن ده الى حصل بالظبط احنا حتي مكملناش ساعه يعتبر
طيب عالعموم انا بثق في قراراتك و عارف انك مسيطر فمكانك
شرف ليا اكيد وهكون عند ثقة سيادتك دايما
تمام يا سيادة المقدم اتفضل
ياسين خرج و مخه فضل شغال دي الكدبة الكام ولا التحويره الكام بقي اممم هبطل اعد احسن.
استغفرالله 
رجع عند المجموعة بتاعته و طلب منهم يتجمعوا و الساعه كانت 8 بليل اتجمعوا فمكان التدريب بتاعهم العادي 
عمر بتعب احنا اكيد مش جاين نتمرن
ياسين لاء مش تمرين
عمر اها الحمد لله
ياسين ده عقاپ لأن زي مانتوا عارفين السيئة تعم
عمر بهمس غطوني و صوتوا.
زين عقاپ على اي!
ياسين مش خسرنا المهمة!
مريم بغل بسبب لين! مش بسبب حد فينا
جميلة ردت بسرعه وبصتلها پغضب احنا كلنا فريق و مينفعش تتحاسب لوحدها و ده قضاء و قدر
ياسين استكوا!!! احنا مش في سوق
لين مريم معاها حق سيادتك مفروض اتعاقب لوحدي لأني انا الى غلطت.
ياسين استغرب اجابتها وانها حتي محاولتش تبرر
خالد بعد اذنك يا سيادة المقدم
ياسين اتفضل
خالد احنا يعتبر خسرنا بس مش بسبب لين احنا رايحين على أساس انهم عدد معين و طلعوا اكتر الى مفروض يتحاسب الى قال معلومات غلط احنا حتي لو كنا هجمنا مع إشارة سيادتك كان نفس السيناريو هيحصل
الكل اتفق مع كلام خالد من جواه و ياسين عجبه ذكاء خالد لأن يعتبر قال نفس الكلام الى ياسين قالة فالمكتب
احمد صح ده غير ان دي اول مرة نطلع مهمة مع سيادتك ولو كان حد فينا اتلخبط غير لين مكناش هنلومه لأننا فعلا فريق
ياسين والله ده شيء جميل وشعور كويس منكم و انا مش هعاقب حد فيكوا لكن الكلام ده مش هيوصل للقيادة و انا هتصرف بطريقتي لأنهم مش هيفهموا الغلطات دي..
زين اكيد يافندم الى تشوفه مناسب.
ياسين تمام اتفضلوا
مريم حضرتك سألتنا يعتبر وخت رأي الكل عشان تتصرف بناء على ده!
ياسين ببرود اكيد هعمل كدا انتوا مش عيال انتوا ملازمين وليكوا رأي اتفضلي
مريم مشيت و كانت نيتها شړ ناحية لين و متعصبة بسبب دفاع الكل عنها و غيرانه جدا!
كانوا ماشين طابور و لين فالأخر لكن وقفت سابتهم يكملوا و رجعت قدام ياسين وهو بصلها و ضيق عينه مستني يسمعها
انا مش مستعدة ان حد غيري يشيل اخطائي ومش خاېفة من عقاپ حضرتك
عقاپي و لا عقاپ العقيد
ايا كان انا هتحمل نتجية الى عملتة
بصلها بتمعن اها و الى عملتيه ده ياتري حصل ليه!
سكتت شوية و مرضتش تتكلم فا ياسين بصلها اية هتقوليلي احولك نيابة او ايا كان زي اول مرة عشان تتكلمي!
لين فتحت عينها بدهشه انوه لسه فاكر الى عملتة اول