روايه جديده بقلم ليدي

كان صوتك متغير لما كلمتيني
ياسمين اه .... انا ياعلا لو قررت اكرر التجربه دي تاني لازم ادقق جدا في الاختيار انا مش حمل ۏجع تاني
علا عندك حق والله ياياسمين..بس مش ممكن العريس ده يكون كويس
ياسمين الله اعلم ... سيبك من الموضوع ده ايه الاخبار الحلوه دي
علا مش حلوه اوي يعني ..انتي عارفه كل حاجه عملتها في الموضوع ده كانت عشان حد
يعني قابلت خالد عشان ماما ماتزعلش ووافقت علي الخطوبه عشان كنت خاېفه علي صحتها وكتب الكتاب عشان برضه خاطر ماما .. اما الفرح بقي فعشان اخت خالد تحضر معاهم
ياسمين انتي مش بتحبي خالد
علا حب يعني ايه حب اصلا انا عمري ما حبيت ولا حتي حاولت ....يعني معرفش اللي جوايا ده هو الحب ولا لا

انا خلاص سبت نفسي اما اشوف الدنيا هتعمل في ايه
ياسمين لا ياعلا يلاش النبره دي .... لو مش مستعده للجواز دلوقتي ارفضي مش لازم اخته تحضر ..اعملي اي حاجه عشان نفسك في الموضوع ده مش كله عشان خاطر اللي حواليكي
قبل ان ترد علا دخلت لميا وفي يدها هاتف علا يرن 
لميا علا خالد بيتصل
اخذت علا الهاتف وردت الو ..... وعليكم السلام
الحمد لله كويسه ......... وبعدين بقي ياخالد 
لا نزلت راحت مشوار.............. طيب ماشي خلاص ...مع السلامه
ياسمين ايه
علا دا خالد كان جاي عشان جاب الكاتالوجات بس مرضيش ييجي عشان ماما مش موجوده
ياسمين كتالوجات ايه
علا بتاعت العفش 
ياسمين اااه ربنا يوفقك ياعلا
هي الشقه خلصت
علا والله خالد بيقول انها علي وشك انها تخلص
ياسمين ليه انتي مش بتروحي
علا رحت مره واحده .. انا اصلا ماليش في الكلام ده انا قولت لخالد يعمل اللي علي مزاجه
ياسمين انتي اغرب بنت في الكون ياعلا
دخلت سهير وسلمت علي ياسمين وقبلتها 
سهير علا .خالد تحت بيركن العربيه
علا دا لسه مكلمني حالا
سهير ماهو كلمني عشان لو محتاجه حاجه وجه يوصلني لما عرف اني في طريق البيت
ياسمين استئذن بقي انا
علا ايه يابنتي انتي لسه جايه
سهير اقعدي ياياسمين لسه بدري ياحبيبتي
ياسمين معلش عشان ما اتاخرش
علا طب اقعدي وخالد يوصلك وهو مروح
نظرت لها سهير بغيظ مما قالته
ياسمين معلش لازم امشي بقي سلام عليكم
خرجت ياسمين من منزل علا وجدت خالد قد صف السياره ودخل مدخل البيت وقابلها علي السلم ولم ينظر لها نظره واحده بينما هي نظرت اليه عن قرب واستنشقت هواءه الذي كان يمتزج برائحه عطره الجذاب
اكملت طريقهاالي المنزل ودخلت لتجد والدها ووالدتها بانتظارها
ياسمين مساء الخير
الوالد مساء النور تعالي ياياسمين عايزك
ياسمين خير يابابا
الوالد ماما قالتلي انك مش عايزه تقابلي العريس
ياسمين لو سمحت يابابا انا مش بفكر في الموضوع ده دلوقتي
انا بفكر اشتغل
الوالد مفيش تعارض بين الاتنين .. اشتغلي واتجوزي
ياسمين ارجوك يابابا بلاش تضغط علي في الموضوع ده عن اذنكم انا داخله ارتاح
دخلت ياسمين غرفتها
الوالده سيبها يامجدي البنت لسه مچروحه اللي حصلها مش شويه برضه تلاقيها لسه خاېفه
الوالد والله دا شاب ممتاز علي العموم محدش يعرف النصيب فين 
قومي شوفيها شكلها تعبانه اوي
دخلت والدتها عليها الغرفه لتجدها غارقه في دموعها
ياسمين حبيبتي مالك انتي بټعيطي ليه انا كلمت بابا وهو مش هيكلمك في الموضوع ده تاني
ياسمين انا تعبانه اوي ياماما
ليه ياحبيبتي قوليلي مالك فيكي ايه
ياسمين قوليلي ياماما مش كل بنت بتحلم بفتي احلامها وبترسمله صوره في خيالها وبيبقي عندها امل دايما انها تقابله في يوم 
اه طبعا ..بس غالبا الشخص ده بيكون مالوش وجود عشان البنت بتكون حاطه فيه كل المواصفات القياسيه يعني مافيهوش عيب ومفيش حد كامل في الدنيا
ياسمين بس ممكن في بنت من مليون بنت تقابل فتي الاحلام ده 
يمكن مافيش حاجه مستحيل
ياسمين طب لو قابلته مش المفروض تتمسك بيه 
طبعا بس لو هو بيحبها ومتمسك بيها
ياسمين صح عندك حق ياماما
ياسمين احنا طول عمرنا اصحاب مش عايزاكي تخبي عني اي حاجه اتفقنا
ياسمين اتفقنا
كانت الايام تمر وسهير غارقه في اكمال ما يلزم علا في منزلها الجديد 
وكان خالد مابين عمله وبين ملاحظه العمال في الشقه 
وقد ذهب هو وعلا ولميا واختاروا اثاث منزلهما سويا
حتي اصبح كل شيئ علي وشك الانتهاء تقريبا
ومرت الايام الطويله وجاء شهر رمضان المبارك بنفحاته العطره 
وكانت الشوارع قد تزينت بالفوانيس والانوار ورائحه الشهر الكريم تملئ الارجاء
وكانت الاسرتان تتناولا الافطار في منزل علا وسط الاجواء الرمضانيه الجميله
سهير كل سنه وانتو طيبين ياجماعه وربنا يتقبل ان شاء الله
كريمه وانتي طيبه ياحبيبتي ورمضان الجاي ان شاء الله نكون بنفطر في بيت خالد وعلا
خالد يارب ياماما امين
وبعد الافطار جلس الجميع وقدمت علا الشاي وقطع الكنافه بالمكسرات والقطايف المحشيه
التي اشاد الجميع بطعمها الرائع
عندما ذهب الرجال الثلاثه لاداء صلاه العشاء والتراويح بالمسجد 
استعد النساء للصلاه جماعه في المنزل
وبعد الصلاه والدعاء جلستا سهير وكريمه يتبادلا اطراف الحديث بينما كانت علا ولميا ينهيان اعمال المطبخ
كريمه خلاص كلها كام يوم