روايه جديده بقلم ليدي

وجيهان توصل هي وبنتها بالسلامه
سهير توصل بالسلامه ان شاء الله ربنا يطمنا عليها يارب
كريمه كان نفسي في فرح كبير عشان نفرح كلنا
سهير يعني من غير الفرح مش هتفرحي بابنك ياكرامله الفرحه في القلب
اوشك الشهر الكريم علي الانتهاء مما زاد علا توتر وخوف 
وكانت سهير انتهت من شراء كل شيئ لعلا 
كانو قد اتفقوا علي ان الفرح سوف يكون ثالث يوم العيد
وقبل العيد بيومين كانت علا تجلس في غرفتها وطرقت سهير الباب ولم تجد رد من علا ظنت انها تصلي 
جاءت بعد نصف ساعه وطرقت الباب ثانيه فلم ترد
فتحت سهير الباب وعندما رأت علا صړخت بصوت عال

وجدت سهير علا ملقاه علي الارض فاقده للوعي تماما واسرع كل من كريم ولميا اليها لدي سماعهما الصوت فحملو علا ووضعوها علي سريرها بينما كانت سهير تتصل بالطبيب بسرعه الذي سرعان ما لبي طلبها علي الفور
وعندما استردت علا وعيها جلست لميا الي جانبها ممسكه بيدها
علا ايه اللي حصل 
الطبيب ارتاحي ياانسه واطمني انتي كويسه
خرج الطبيب ومن وراءه سهير
سهير طمني يادكتور
الطبيب ماتقلقيش هي دلوقتي كويسه بس هي اتعرضت لضغط عصبي شديد ماقدرتش تتحمله
سهير يعني ننقلها مستشفي احسن
الطبيب مافيش داعي هي تاخد العلاج ده وتبعد عن سبب التوتر والضغط وان شاء الله يومين وهتبقي كويسه اوي
رافقت سهير الطبيب الي الباب ودق جرس الهاتف فرد كريم
كريم السلام عليكم
خالد وعليكم السلام ازيك ياكريم 
كريم الحمد لله
خالد هي علا مش بترد علي موبيلها ليه هي موجوده
كريم اه اصلها تعبت واغمي عليها بس الدكتور طمنا
خالد ايه طب سلام ياكريم
دخلت سهير غرفه علا وطلبت من لميا ان تتركهما وحدهما
جلست بجانبها وقبلت يدها ورأسها وهي تبكي
سهير ايه ياعلا اللي حصل ياحبيبتي ايه اللي ضايقك
علا بصوت ضعيف مش عارفه ياماما 
سهير انا السبب سامحيني ياحبيبتي انا اللي ضغطت عليكي من الاول
علا ايه ياماما اللي بتقوليه ده انا كويسه والله صدقيني
سهير انا عشت حياتي كلها اخاڤ عليكو من الهوا واحاول احافظ عليكو 
معقول ابقي انا السبب في تعبكو 
علا ياماما ماتقوليش كده ارجوكي
سهير لو كان جرالك حاجه كنت ھموت نفسي ... داانا ماليش غيركو في الدنيا
مسحت دموعها بسرعه واكملت حديثها الجوازه دي مش هتم واللي يحصل يحصل 
دي غلطتي من الاول انا اللي فكرت غلط وكنت هجني عليكي
علا ايه ياماما الكلام ده دا فاضل كام يوم الناس هتقول علينا ايه 
وخالد واهله اللي مجهزين كل حاجه لا ياماما
سهير كل ده مالوش قيمه عندي انا مش هجوزك وانتي عايزه ياعلا احنا لسه فيها
دق جرس الباب فتحت لميا وجدت خالد امامها
خالد لميا علا مالها ايه اللي حصل 
لميا مفيش حاجه اتطمن هي كويسه
خالد طب لو سمحتي قوليلها اني عاوز اشوفها
دخلت لميا واخبرت علا ان خالد بالخارج ويريد الدخول ليطمأن عليها
دخل خالد خالد الغرفه ونظر الي علا بلهفه سلام عليكم خير ياعلا في ايه
سهير اقعد بس ياخالد الاول ماتقلقش
كانت علا عيونها حمراء ووجهها شاحب اللون
خالد انا عايز اعرف فيه ايه ايه اللي انا شايفه ده علا شكلها تعبانه اوي 
يلا نروح المستشفي احسن
علا مالوش لازمه انا كويسه
سهير الدكتور قال مافيش داعي وطمنا عليها هي داخت بس شويه
وافق خالد علي عدم الذهاب للمستشفي ولكنه مازال قلقا عليها
سهير خالد .... انا عايزه اقولك كلمتين بس ياريت تفهمني وما تزعلش مني وانت عارف ان كل شيئ.......
قاطعتها علا ماما لوسمحتي هاتيلي كوبايه ميه
خرجت سهير وعادت تحمل كوب الماء واعطته لعلا وجلست
علا خالد ياماما كان عايز يأجل الفرح بس انا قولتله مافيش داعي انا حاسه اني كويسه
صمتت سهير لان رساله علا لها قد وصلت
سهير عن اذنكم هروح ادي لكريم الروشته عشان يجيب الدوا
تركتهم سهير وحدهما
خالد طنط كانت عايزانا نسيب بعض صح
علا ليه بتقول كده بس
خالد الموضوع واضح ... علا انتي تعبتي بسبب موضوع الفرح
علا لا ابدا
خالد انا بحبك اوي ومقدرش اعيش من غيرك بس لو انتي مش عايزاني وجوازنا ممكن يسببلك تعب انا مش هقبل اكمل ياعلا ابدا
علا ليه بتقول كده ياخالد بس
خالد نبره صوت طنط كانت بتقول كده وانا ماقبلش انك تتجوزيني تحت ضغط لسه قدامك وقت ياعلا
علا ارجوك ياخالد كفايه انا مجرد ضغطي وطي بس من الصيام مش اكتر
خالد اكيد
علا ايوه
خالد الف سلامه عليكي ياحبيبتي..... معلش انا لازم امشي حالا لاني سيبت كل حاجه وجيت جري ورايا شغل كتير لازم اخلصه قبل اجازه الفرح
علا طيب خلاص روح شوف شغلك
خالد ماشي ... علي فكره شعرك حلو اوي سلام
ابتسمت علا ووضعت يدها علي شعرها فلم تنتبه انها بدون الحجاب
دخلت سهير وجلست الي جانبها
سهير ايه اللي انتي عملتيه انا كنت هاقوله وخلاص انتي عامله حساب لكلام الناس ومش شايفه حالتك عامله ازاي ياعلا
علا ماما انا كويسه والموضوع انتهي خلاص .... ااااه ضهري وجعني انا عايزه اقوم اقعد بره
خرجت سهير لتحضر لعلا كوبا من العصير