روايه رائعه وكامله الكاتبه مورو مصطفى

جيدا
جاسر تحبي نعمل ايه وخلي بالك احنا مسافرين الفجر إن شاء الله عاملة حسابك
جميلة اه حبيبي انا والبنات حضرنا الشنط وحطناهم في اوضة ماما تحت علشان ناخذهم على طول
جاسر طيب تمام جميل قوي تحبي دلوقتي نعمل ايه
جميلة ننزلهم تحت عايزة أصبح عليهم وأصبح كمان على ورودنا بقى لي يومين ماشفتهمش فابتسم جاسر لها وضمھا لصدره
جاسر طيب يالا بينا حبيبتي
وأمسك يدها تتخلل اصابعه أصابع يدها وتضغط على كفها برقة وفتح الباب وخرجوا وعند نزولهم فوجئوا بأم السعد أمامهم ومعها بنت تحمل صينية كبيرة عليها الطعام وأول ما رأتهم أطلقت وابل من الزغاريط واحتضنتهم الاثنين وهي تبارك لهم

أم السعد نزلت ليه ياولد أنت وهي 
جاسر نزلين نوفطر يا خالة ونجعد مع الاهل
أم السعد لاه يا ولدي الفطور يطلع لحديكم فوج وهما كماني يطلعوا يسلموا عليكم فوج فضحكت جميلة 
جميلة ياخالتي كل دول يطلعوا ازاي لاه احنا ننزلهم وكمان عايزة أصبح على الوردات
أم السعد ماشي يابتي بس استنوا اهنا خمسة بس اوعاكوا تنزلوا فاهمين واستدارت للفتاة التي تحمل الطعام همي يابتي حطي صينيه الوكل دي اهنه وأجرى هاتي لي المبخرة بسرعة
الفتاه حالا ياخالتي
جميلة في ايه ياخالتي
أم السعد لازمن ابخركم وانتم نازلين لهم العيون مش حلوة يابتي ربنا يحميكم جادر كريم
الفتاة اتفضلي ياخالتي مبروك ياهانم مبروك يابيه
جميلة ربنا يبارك في عمرك يا لبيبة بس بلاها هانم دي كفاية جوي ست جميلة
لبيبة الله يكرمك ياست جميلة
أم السعد يالا هموا ادامي وأنتي يابتي زغرطي يالا ونزلوا سويا يدهم في يد بعضهم خلفهم أم السعد تبخرهم وتقرأ لهم آيات من القرآن ولبيبه تطلق الزغاريط
حسناء اووووووف هي الوليه دي طالعة تزغرط ونازلة تزغرط ماخلاص مش سابتهم ونزلت ايه الصداع اللي على الصبح فنظرت لها رباب پغضب وفجاءه وجدوا جميلة وجاسر يأتون عليهم فاطلقوا جميعا الزغاريط وھجم البنات على جميلة والشباب على جاسر
رباب ايه ياولادي اللي نزلكم دلوك ينفع أكده لازمن تكونوا فوج
جميلة يا امي اتوحشناكم وبعدين صحينا خلاص وجلنا ننزل نفطر ونجعد معاكم وكمان اطلع أصبح على الوردات بتوعنا فضحكوا جميعا
عبدالحميد جولي أكده ياشجيه نزله تصبحي على الوردات مش علينا فجرت جميلة على ابيها وارتمت في احضانه
جميلة لاه يابويا انتم الأول طبعا فقبل راسها
عبدالحميد مبارك عليكم ياولادي وهمس لجميلة في اذنها انتي زينة ياجميلة مبسوطة يابتي فقبلت جميلة يده والټفت لجاسر وامسكت يده بقوة
جميلة مبسوطة جوي جوي يابويا
واخذ الكل يبارك لهم وهم فرحون بهم وجلسوا جميعا سويا جميلة وجاسر بجوار بعض ولازال يمسك يدها ويقربها منه بقوة ووقفت قمر بعد أن أعطاها معتز الهدية واقتربت منهم
قمر مبارك ياجميلة مبارك ياجاسر فوقف الاثنان يتقبلون منها التهنئه وانضم لهم معتز وهو يحتضن قمر
معتز مبارك ياجميلة مبارك ياجاسر
جاسر الله يبارك فيكم عجبالكم انتم كمان جريب
معتز ان شاء الله يا جاسر
جميلة ميرسي ياجمر ميرسي يامعتز عجبالكم بسرعة عايزين نفرح بيكم جريب
قمر إن شاء الله ياجميلة اتفضلي دي هدية بسيطة من
حسناء ودي جبتي فلوسها منين ياست قمر فنظر الكل لها پغضب فارتبكت وأكملت انا قصدي كان مفروض معتز اللي يقدمها او هي تقول انها هديته يعني ولا انا غلطانة
فالټفت لها معتز وعيونه تشع بالڠضب ولكن قمر ضغطت على يده بحب وامالت راسها على كتفه وتحدثت بدلال جعل الكل يفتح عينه وفمه فهم اعتادوا على خجلها الشديد
قمر ياحسناء هانم أنا ومعتز واحد هو طلب مني اني أقدمها لجميلة بنفسي باسمنا أحنا الاتنين لان زي ماقلت لحضرتك من يوم جوازنا واحنا اتعاهدنا اننا روح واحدة والتفتت تنظر لمعتز بعيون عاشقة ووجهه أحمر من الخجل مش كده حبيبي وكان معتز يشعر ان قلبه سيتوقف ولكنه رفع يدها مقبلا اياها ونظر لها بعيون تنطق بالحب
معتز طبعا حبيبتي من يوم ما اتكتبتي على اسمي وأنا وأنتي كيان واحد وبعدين أنا مش فاهم الناس بتدخل في حاجات مالهاش فيها ليه هي حشره وخلاص مبارك مرة تانية ياحلوين واقترب مقبلا جاسر فهمس جاسر في اذنه
جاسر بجيت شديد يا معتز بس في الحج ياود عمي ربنا يجدرك
معتز الحمدلله ياجاسر البركة في قمر واقتربت قمر تبارك لجميلة وتقبلها
قمر مبارك ياجميلة
جميلة الله يبارك فيكي ياجمر عجبالك ياحبيبتي وهمست لها ردك خلاها بتطلع دخان من ودانها فضحكت قمر وجميلة بقوة وسمعهم جاسر ومعتز فنظروا لجميلة التي وضعت يدها على فمها فضحك معتز على كسوفها واقترب قليلا امامها
معتز ودانها بس ياجميلة ده ودانها وعينها ومناخيرها يالا ربنا يقدرنا على فعل الخير فنظر الثلاثة له وانفجروا في الضحك
أدهم ايه يا ولد ضحكونا معاكم فنظر الاربعة له وضحكوا ثانيه
جاسر ابدا ياعمي مافيش حاجة دول كلمتين أكده كانوا محشورين في زورنا المهم ح نسيبكم احنا ونطلع برة شوية ونرجع لكم
رباب استني ياولدي افطوروا الاول
جاسر لاه يا امي عجبال مايحضروا الوكل نكون عاودنا
رباب خلاص روح ياولدي واني ح أبلغهم يحضرولكم الوكل
قمر