روايه رائعه وكامله الكاتبه مورو مصطفى

ح أبلغ عبدالحميد ونيجي بسرعة
حسناء تسلمي ياختي مانحرمش منك واغلقت مع اختها ونظرت لابنتها وابتسموا الاثنان
قامت رباب بالأتصال بزوجها وابلاغه بضرورة الحضور وفعلا قام عبدالحميد بالعودة للبيت وابلغته رباب بما حدث وبطلب حسناء ان لا يعرف احد اي شئ
عبدالحميد ربنا يستر مافيش حاجة بتيجي من وراء اختك دي عدله طيب ح نقول لجاسر وجميلة ايه
رباب نقولهم اننا ح نروح نكشف على ضهري وكمان نطمن على كارم وحسناء
عبدالحميد طيب يارباب وفعلا عاد جاسر وجميلة وهم يمسكون يد بعض ويدخلون وهم يضحكون والقوا عليهم السلام وحاول عبدالحميد ورباب رسم الابتسامة على وجههم

عبدالحميد اهلا ياولاد نورتم ياحبايبي
رباب ها ياولاد جعانين اجولهم يحضروا لكم الوكل
جميلة لاه يا امي خلي حضرتك مرتاحة احنا اكلنا ساندويتشين في الشركة ومش جادرين دلوك ح ناكل على العشا بجى
رباب طيب ياولاد لحالكم بجى
جاسر واه ليه يعني وانتم ايه خارجين تتعشوا بره ولا ايه فضحك عبدالحميد
عبدالحميد لاه ياولدي ح اخد امك وندلوا مصر كارم حجز لأمك عند دكتور نشوف موضوع ضهرها ده وكمان نطمن على كارم وحسناء ونعاود بكرة ان شاء الله فاستغرب جاسر 
جاسر طيب وليه السرعة عاد ماتخلونا بكرة ونسافروا كلنا سوا
رباب لاه ياولدي عمك حجز النهاردة وبعدين هو النهاردة وبكرة ح نعاودوا ليه بجى نتشحطط كلنا وتسيبوا شغلكم 
جميلة برضك يا أمي نكون معاكي فابتسمت رباب
رباب لاه يابتي بكفاية عليا عبدالحميد فضحك جاسر وجميلة 
جاسر جولوا أكده بجى عايزين تبجوا لحالكم ماشي وماله 
عبدالحميد بس ياولد انت ح تنج علينا ولا ايه ياواد
جاسر لاه يابوي اني أجدر برضك طيب ح تسافروا مېتي
عبدالحميد ح نطلع دلوك على المطار علشان نلحج الطيارة 
جاسر طيب يالا نوصلكم ونعاود احنا
وقامت رباب بتحضير شنطة صغيرة وخرجوا وقام جاسر بايصالهم للمطار وعاد هو وجميلته للمنزل ودخل وهو يحتضنها
جاسر النهاردة للصبح مافيش غيري وغيرك يابطتي
فضحكت جميلة وجرت من أمامه للأعلى وهو يجري وراءها وهم يضحكون حتى دخلوا جناحهم وامضوا ليلة سويا كانت رائعة وكانت جميلة في أحضان جاسر على الفراش
جميلة يااااااااااه ياجاسر معقولة السعادة دي أنا حاسة اني طايرة فوق السحاب والتفتت له ثم سندت نفسها على يدها ونظرت له وتحدثت جاسر أنا بحبك حب مالوش وصف حبيبي لو اتوزع على العالم كله ح يتبقى منه كمان أنا بعشقك ياجاسر انت عمري وحياتي وقلبي انت الهواء اللي بتنفسه فضمھا جاسر بقوة
جاسر انا كمان بحبك اكتر واكتر وبعشقك برضه اكتر واكتر
جميلة اوع ياجاسر في يوم توجعني
جاسر مقدرش ياقلبي لو ۏجعتك ابقى بۏجع نفسي وبموتها كمان انتي بتمشي في دمي ياجميلتي وذهب الاثنان في عالمهم الخاص
وصل عبدالحميد ورباب الي المستشفى فوجدوا حسناء تجلس وبجوارها زينة وشكلهم غريب فاقتربوا منهم وعندما شاهدوا زينه ووجهها به كدمات ويدها وحسناء شكلها دون ماكياج ففزعوا
رباب حوصل ايه ياحسناء ومال جوزك اخذت حسناء تتصنع البكاء هي وزينة
حسناء كارم جت له جلطة والله اعلم ح تأثر عليه في ايه
عبدالحميد ان شاءالله خير ياحسناء بس ايه اللي حصل
حسناء تعالوا نروح واحكي لكم كل حاجة اصلا الزياره لسه ممنوعة عن كارم وانصرفوا عائدين للمنزل وعندما دخلوا صعدت زينة جري للأعلى
رباب حوصل ايه ياحسناء فقامت حسناء بابلاغهم ماقالته لزوجها فضړبت رباب على صدرها وهي تشهق واستغفر عبدالحميد
رباب ياحبيبتي يابتي وهي عاملة ايه دلوك
حسناء زي ما انتي شايفه ياختي اتبدلت واطفت
عبدالحميد بلغتم البوليس ياحسناء فارتبكت حسناء
البارت الرابع عشر
وعندما سأل عبدالحميد حسناء هل ابلغو البوليس وارتبكت ولكن لحقت نفسها
حسناء ازاي ياعبدالحميد اڤضحها وافضح ابوها واخوها ح تدمر اكتر ماهي مدمرة بنتي انتهت يارباب بنتي انتهت وكارم الله اعلم ح يحصله ايه وأخذت ټضرب على ساقها فامسكت رباب بيدها
عبدالحميد اهدي ياحسناء وان شاء الله ربنا يسترها بس اخوها لازم يعرف فصړخت حسناء
حسناء يالهوي ده ېموتها ياعبدالحميد فانتفض عبدالحميد
عبدالحميد ماهو كل ده نتيجة تربيتك الزفت وماشيها من غير هدوم وانتي مبسوطة بشكلها أكده اشربي بجي
رباب اهدي ياعبدالحميد انت شايف الحال
عبدالحميد لاحول ولا قوة الا بالله استغفرك ربي واتوب اليك
حسناء اتصرف ازاي اعمل ايه خلاص البت كده حالها وقف ح تفضل طول عمرها كده محدش ح يرضى يتجوزها ح نقوله ايه
رباب لاحول ولا قوة الا بالله اهدي ياختي وربك يدبرها من عنديه المهم دلوك نشوف كارم
حسناء كارم ماستحملش أول ماسمع وقع من طوله قوموا دلوقتي تعالوا ارتاحوا من السفر
رباب جوم يا عبدالحميد
وذهبوا الي الغرفة التي اعطتهم اياها حسناء وجلسوا سويا وكانت رباب بطيبة قلبها تبكي زينة وماحدث لها فاخذ عبدالحميد يهدهدها حتى تهدئ فهمست له
رباب صعبانة عليا البت يا عبدالحميد
عبدالحميد استغفر الله العظيم ح نجول ايه عاد امها واللي عودتها عليه هو السبب العيال شفوها بت سهلة يالا نصيبها ربنا يستر ويجوم منها كارم بخير جومي يارباب روحي اجعدي مع خيتك خليكي جارها
رباب حاضر ياعبدالحميد
وذهبت رباب لحسناء ودقت عليها الباب