روايه رائعه وكامله الكاتبه مورو مصطفى

وعرفت حسناء انها رباب وكالعادة تصنعت البكاء وبعدها سمحت لها بالدخول
حسناء تعالي يا رباب تعالي ياختي شفتي المصېبة اللي أحنا فيها أنا عارفة اني غلط في تربيتها كده اعمل ايه كنت فاكرة ان ده الصح وانها كده ح تبقى زي باقي البنات لكن اهي ضاعت وخلاص بقت معيوبة ومحدش ح يرضى بيها
رباب لا حول ولا قوة الا بالله ادعي ربنا ياحسناء واستغفري وبعدين مين عارف ياحسناء يمكن يتجدم لها عريس ويعرف ويجبل باللي حصل ماهو كان ڠصب عنيها برضك مش بمزاجها
حسناء مين بس اللي ح يقبل عارفة لو مطلقة اه ممكن لكن كده محدش ح يصدق انه كان ڠصب عنها وح يفتكروا انه بمزاجها رباب

رباب نعم ياخيتي
حسناء انتي اللي في ايدك تنقذيني وتنقذي بنتي يا رباب فاستغربت رباب ذلك
رباب انا ازاي ياحسناء
حسناء ايوه انتي يا اختي ابوس ايدك تنقذيها وامسكت حسناء يد رباب وكانها ستقبلها فسحبت رباب يدها
رباب فهميني ياحسناء كيف اني في يدي انجدها
حسناء خلي جاسر يكتب عليها فصړخت رباب بها
رباب جنيتي انتي إياك ياحسناء وعجلك فوت خلاص فامسكت حسناء يدها
حسناء اسمعيني بس الاول يا رباب ابوس ايدك
رباب اسمع ايه انتي اتخبلتي ابني يعمل أكده كيف ومرته مچنونة انتي اياك
حسناء يا رباب محدش ح يعرف حاجة في البلد هو يجي هنا يكتب عليها بس ونسافر كلنا حتى معاكم كأننا ح نقعد معاكم علشان كارم يغير جو وشهرين تلاتة نرجع مصر و يطلقها من غير حس ولا خبر ارجوكي يا رباب ابوس ايدك هو ده الحل الوحيد
رباب حتى لو ده الحل الوحيد جاسر لا يمكن يجبل جاسر بيعشج جميلة وعمره ما ح يجبل ېجرحها اكده ولا عمره ح يوافج على الكلام ده
حسناء وجميلة ح تعرف منين بس بقولك ماحدش ح يعرف وبعد شهرين ولا حاجة يطلقها تبقى معاها قسيمة طلاق و جاسر ح يوافق لو انتي ضغطي عليه يعمل كده دي سمعة بنت خالته حتى لو كانت غلط وتصرفتها زفت بس دي لحمه ارجوكي يا رباب اديكي شايفة كارم وحالته واخوها لو عرف ح ېقتلها ويروح في داهية وابقى خسړت الاتنين فقامت رباب
رباب سيبيني دلوك ياحسناء افكر واشور عبدالحميد
حسناء عبدالحميد مش ح يرضى يارباب ح ېخاف على بنت اخوه جميلة
رباب حسناء جميلة بتي وبت عبدالحميد فاهمة لازم اعرف عبدالحميد برضك وربنا ييسر الأمور تصبحي على خير
حسناء وانتي من اهله يا اختي وخرجت رباب وذهبت الي عبدالحميد وقامت حسناء بالاتصال بزينة وابلغها
ودخلت رباب لزوجها الغرفة فشعر عند رؤيتها بحالتها فاقترب منها وامسك يدها واجلسها بجواره وضمھا لصدره
عبدالحميد اهدي يا رباب وربك يحلها فنظرت له
رباب حسناء لجت حل وجالت لي عليه 
عبدالحميد خير حل ايه فحكت رباب لعبدالحميد فانتفض عبدالحميد من مكانه وهو ېصرخ جنيتي انتي وخيتك إياك عايزة جاسر يتجوز البت دي على جميلة اتخبلتم انتم 
رباب ياعبدالحميد مش جواز ده بس ح يكتب عليها وشهرين تلاتة ويطلجها ومحدش ح يعرف ولا جميلة ح تحس 
عبدالحميد تدور لها على حد تاني يعمل أكده 
رباب مين يا عبدالحميد ح نفضح البت دي عرضنا برضك فنظر لها عبدالحميد 
عبدالحميد شكلك موافجاها يا رباب
رباب اني لا وافجت ولا اتهببت اني بحكي معاك بس دورها في دماغك يا عبدالحميد في حل تاني غير اكده
عبدالحميد ابنك عمره ما ح يوافج يارباب
رباب والله ماعارفة ايه الحل ياعبدالحميد 
عبدالحميد نامي دلوك والصبح يدبرها ربنا واعملي حسابك الصبح نروح نشوف كارم وبعدها نعاود على البلد
رباب حاضر ياخوي
في الصباح خرج عبدالحميد مع رباب وذهبوا للمستشفى وقابلوا الطبيب بعد أن دخلوا لكارم وعلموا ان الجلطة أثرت على الكلام عنده وأصبح لسانه ثقيل واثرت أيضا على يده الشمال فأصبحت لا تتحرك واعلمهم الطبيب ان الجلطه قد ذابت ولكن ماهو فيه هو حالة نفسية وتحتاج فقط للاهتمام وراحة البال وخرجوا بعد استماعهم الي الطبيب واتجهوا للمطار وعادوا لبلدهم وكان جاسر وجميلة مازالوا في العمل ودخل الاثنان الي جناحهم
رباب ح نتصرف كيف يا عبدالحميد
عبدالحميد والله ماعارف يارباب بس اني مش ح اجبل اي حاجه تمس جميلة باي صورة فاهمة
رباب ما انا جولت لك ماحدش ح يعرف ياعبدالحميد كل الموضوع بس علشان يكون معاها جسيمة طلاج
عبدالحميد اني عن نفسي مش موافج بس انتي حرة انتي وابنك لكن لو حد فيكم جار على جميلة بتي ح تكون نهايته على يدي فاهمة
رباب اخص عليك يا عبدالحميد هي جميلة بتك لوحدك ده اني بحبها يمكن اكتر من لمياء وربنا عالم بص اني ح اتكلم مع جاسر 
عبدالحميد بشوجك يا رباب اني ماشي
رباب رايح فين دلوك يا عبدالحميد 
عبدالحميد مخنوج عايز اشم هوا
وتركها وخرج وظلت رباب تجلس منتظره عوده ولدها وزوجته وفجاءه استمعت لضحكاتهم قبل أن تراهم وبعدها وجدتهم يدخلون سويا وهم يدهم في يد بعض فنظرت لهم وفي