سلسله قصص الانبياء بالعاميه ( قصه سيدنا ذكريا )

مش عايز اشوقكم اكتر عشان كدة نزلت ليكم بالجزء الثاني بسرعة...
قصه سيدنا زكريا
الجزء الثاني 
هى ممكن الواحدة تحمل بعد الخمسين !
اه ممكن جدا
طب إزاي !
إن الله علي كل شئ قدير 
أيوة ما انا فاهم إن ربنا لو قال لأي شيء كن فتكون علي طول ..
طب بدل انت فاهم إيه مشكلتك دلوقتي !
_مشكلتي إن طول عمري بسمع إن ممكن جدا واحدة تحمل وهي سنها كبير لو ربنا أراد ده ..
حلو ..
لكن علميا وطبيا لأ !
طيب شوف القصه دى
سيدنا زكريا كان بيشتغل نجار
وكان كبير في السن كان عمره حوالي ٩٩ سنة
وكانت زوجته عمرها ٩٨ سنة

فلما دخل سيدنا زكريا على مريم وشاف عندها الفاكهة والرزق الواسع ده
سألها وقالت ده من عند ربنا اللي بيرزق من يشاء بغير حساب..
فسيدنا زكريا انتبه اوي لكلامها !
ربنا حقق للطفلة الصغيرة دي كرامة وعطاها الفاكهة من غير ما تطلب
أمال لو أنا بقى دعيت وطلبت بقى أكيد ربنا هيستحيب!
فقعد سيدنا زكريا يكلم ربنا بينه وبين نفسه 
مناجاة في الخفاء يعني من غير ما حد يسمعه ..!
إذ نادى ربه نداء خفيا
وقال يارب ماتسبنيش من غير ولد ولا وارث يورث النبوة من بعدي وأنت خير الوارثين..
سيدنا زكريا لما جت له فرصة مسك فيها وبدأ يدعي ربنا باللي بيتمناه..
هنالك دعا زكريا ربه 
يارب هب لي ذرية طيبة على الرغم من كبر سني يا سميع الدعاء يا من ترزق من تشاء بغير حساب..
رب هب لي من لدنك ذرية طيبة إنك سميع الدعاء
يارب ماتسبنيش من غير ولد ولا وارث يرث النبوة من بعدي وأنت خير الوارثين
وزكريا إذ نادى ربه رب لا تذرني فردا وأنت خير الوارثين
يارب أنا عضمي بقى ضعيف وشعر رأسي شاب كله وأنا عمري ما دعيتك قبل كده ورديت دعائي.
قال رب إني وهن العظم مني واشټعل الرأس شيبا ولم أكن بدعائك رب شقيا
يارب أنا خاېف إني أسيب أحبار اليهود يفسدوا على بني إسرائيل دينهم ومفيش نبي غيري دلوقتي وكمان زوجتي عاقر .
فيارب اوهبني من رحمتك ذرية طيبة يرثني ويرث من آل يعقوب النبوة..
وإني خفت الموالي من ورائي وكانت امرأتي عاقرا فهب لي من لدنك وليا يرثني ويرث من آل يعقوب واجعله رب رضيا
فربنا استجاب لدعاء زكريا عليه السلام.
و أرسل له الملائكة عشان تبشره وتقوله
احنا جايبينلك بشارة حلوة اوي من ربنا احسن ما كنت بتتخيل !
فالملايكة لقت سيدنا زكريا بيعمل إيه!
كان واقف بيصلي في المحراب بتاعه.
فنادته الملائكة وهو قائم يصلي في المحراب 
فالملايكة قالتله احنا جايبين لك بشارة من ربنا إنه هيرزقك بولد اسمه يحيى من أحسن البشر وأشرفهم.
ومش أي اسم
ده اسم مفيش حد قبل كده على الأرض اتسمى بيه.
يا زكريا إنا نبشرك بغلام اسمه يحيى لم نجعل له من قبل سميا
ومش بس كدة لأ!
دة ربنا بيبشرك إنه هيكون شخص كلمته مسموعة وليها أثر