بيت العوانس

يا ست الكل....انتي هنا من امتي يا كسفتي يا ناس
قهقهت وداد بسعادة شديدة وهتفت قاصدة لتزيد من حرج كمال
من اول بيت المحسنين ....ايه يا حبيبي للدرجة دي بتحبها يا كمال اهدى يا ابني بلاش فضايح ....كدا ممكن البنت تخاف من اندفاع مشاعرك الغريب جدا دا وترفض تتجوزك...
عارف يا أمي...عارف ...بس ڠصب عنى...بحبها و معرفش ليه مش قادر اصبر....ليا شهرين بحاول المح لها كنت خاېف من الرفض منها او عمي ....مش مصدق اني اخيرا هتجوزها....ادعيلي يا أمي ربنا يتمها علي خير وميحصلش اي مشاكل توقف الجوازه ....
ابتسمت وداد بحنان واستقبلته بين ذراعيها وهمست بحبور

محظوظة رضا بحب زى حبك يا بني ....وواثقة انها طيبة وتستاهل ....يلا علشان تاخد رضا باباك قبل ما نخرج
تحرك كمال ووداد ناحية غرفة الأب التي نادرا ما يغادرها بسبب مرضه الشديد ....اقترب كمال وقبل رأس أبيه ويده وهتف 
بابا كان نفسي تكون معايا .. .يهمني رضاك عليا وتكون موافق على موضوع جوازي يا بابا
هتف ابوه بهدوء ورزانة اثقلتها الزمن والايام 
راضي يا بني....ربنا يسعدك ويكرمك فيها وتكون ليك نعم الزوجة والسكن زى ما كانت امك ليا طول عمرها
غمز كمال امه وهتف مغازلا محركا حاجبيه بوقاحة
ايوة يا عم الحلويات انت...يا بختك يا سيدى....الريس بذات نفسه راضي عنك ...ودا يوصلنا لأهم سؤال امبارح كنت لابسة ايه يا وداد....اللون كان ايه قري واعترفي ....يا الوانتك يا سمسمية بالعسل انتي..
هزت وداد رأسها في يأس من ابنها وهتفت 
يلا يا زينة الشباب ...اتفضل قدامي ...صفوت علي وصول ....وربنا يسلم وتتجوز بسرعة قبل ما يسلموك لبوليس الآداب تاني يوم كتب الكتاب. 
وهتفت پخوف ودعاء صادق 
استر على عبيدك يارب ....يارب الهمه الصبر المعتوه العاشق..مچنون رضا دا ....
ونظرت ناحية ابنها الذي شرد مرة اخري وهتفت 
بصراحة المفروض ناخد معانا المأذون واتنين شهود وعربية إسعاف علشان تشيل أبوها من اللي هيحصله
سمعت رضا صوت الباب يفتح وابيها يرحب بالضيوف بحرارة شديدة ....اهتز جسدها بشدة وحاولت التملص من بين يدى منيرة التي تصر علي تزيين وجه رضا وخلع النظارة تماما عند مقابلة العريس ....جزت منيرة علي أسنانها وهتفت بصړاخ 
اثبتي وبطلي حركة يا رضا....كلها ربع ساعة وتشوفي المتعوس اللي هيقع فيكي

ويقول وانا كان مالي ومال الجواز
ارتعشت رضا بشدة وهتفت پاختناق والدموع تهدد بالهطول من عينيها 
هو أنا وحشة يا منيرة ....حقيقي اللي هيتجوزني هيندم ....انتي جميله وشخصيتك رهيبة.....فاتن قمر ما شاء الله ربنا يحفظها ويكرمها.....ونظرت ناحية سمر التي تجلس صامتة ساهمة وبجوارها الطفلين وأكملت
اما سمر فدى قلب وعقل البيت ....ممكن نقول كاملة والكمال لله جميلة ذكية قوية ....أنا اية ولا حاجة منكم ....العريس دا اتقدملي ليه
صړخت منيرة فيها هاتفة 
بتقولي اية يا مجنونه ...انتي رضا ...جميلة وعقلك انتي اللي واخداله اجازة بمزاجك....اي واحد في الدنيا بيفهم ويقدر القلب النقي والطيبة والصدق والمودة هيختارك ويكون هو اللي كسبان
تحركت سمر بهدوء شديد واقفة وامسكت بيد رضا لتوقفها دون كلام وتحركت بها قرب المرآه وهتفت بها
رضا ....بصي في المراية شايفة ايه
تعجبت رضا من كلام سمر ونظرت بعيون زائغة وقالت 
مفهمتش تقصدي اية بس شايفة نفسى رضا
تبسمت سمر وهمست في أذن رضا بخفوت
تمام الإنسان هو اللي بيشوف قيمة نفسه....ليه يدور علي ذاته في عيون الآخرين ....لازم الأول يشوف نفسه أهل للاحترام...
يعرف أن البشر مختلفين جدا ...وكل شخص ليه مقياس مختلف عن الاخر للحكم علي الناس ....يبقي خلاص اقدر نفسي اولا وبعدين اطلب من الناس تقدرني...انتي شايفة رضا ....وانا كمان شايفة رضا حمدى حسين اشطر محاسبة في الدنيا ..اصغر من حصل علي رئيس قسم التوريدات في الإدارة....أجمل من كل البنات واللي شايفة نفسها احلي منك تسأل مرايتها هي مش مرايتك...فاهمة يا رضا
ارتمت رضا في حضڼ سمر وهتفت برضا 
فاهمة يا سمر يا اطيب واحلي واجدع أخت في الدنيا ...ربنا يخليكوا ليا كلكم ... من غيركم حقيقي معرفش ممكن يحصلي ايه ...
ونظرت حولها بحيرة متسائلة 
امال فاتن راحت فين مختفية بقالها ساعتين
هتفت سمر بهدوء حذر 
بعتها مشوار لابد منه زمانها علي وصول بأذن الله 
دخلت أمل مهلله مستبشرة وتكاد السعادة تجعلها تقفز عدة أمتار في الهواء وهتفت سريعا بصوت متقطع من شدة الانفعال والسرور 
عريسك يا رضا ....يا لهههوى يا بنتي ...ما شاء الله قمر بدر في تمامه...ربي يحفظه ويتمم بخير ....ايه الشباب دا بيجي منين انا في حياتي ما رأيت شاب بالوسامة دى!!! يلا اتحركي يا بنتي بسرعة 
ضحكت منيرة بصخب واقتربت من امها هاتفة بخبث شديد 
فينك يا عم حمدى تشوف مراتك بتبصبص لعريس بنتها ....ايه يا ماما ....هو عم حمدى كبر ولا اية دا حتي ما شاء الله صغر يجي تلاتين سنة احنا متفقين كل بنت تتجوز يصغر عشر سنين...حصل يا ماما 
جزت امها علي أسنانها وهتفت 
لولا الحمل ...كنت ضړبت دماغك بالطفاية دى يمكن تتهدى....فينك ....فينك يا مصعب يا بني تخلصنا منها ...دا أنا ما صدقت ...ترجعلي