بيت العوانس

هى وسمر دفعة واحدة.....استر يا رب
دخلت رضا دون أن ترفع عينيها لتنظر لأحد الموجودين خجلا ...ليقف كمال منتفضا من مكانه ويقترب منها مسحورا مأثورا برقتها وخجلها ووجها الذي يرسم البراءة علي حق خصوصا مع غياب نظارتها المعتادة ....مد كمال يده ناحيتها رفعت رضا نظرها نحوه لتشهق پعنف وتمتمت دون صوت 
انت !!!....معقول .. انت!!! ...اروح فين يا رب ...دا مچنون يا بابا والله 
نظرت رضا ناحية ابيها لتجده يبتسم ابتسامة حانية مشجعة سعيدة فرق قلبها وهتفت داخلها
لا يمكن اخيب ظنك فيا ...انا رضا حمدي ....وبابا لازم يفضل رافع راسه واللي اختاره هو الأصلح بالتأكيد

مدت رضا يدها لتسلم علي كمال بحرص وحذر شديدين......
أمسك كمال بيد رضا وقبض عليها بشدة وظهرت القلوب والفراشات حول وجهه ....وأصبح الصمت ساكنا المكان ..
حاولت رضا سحب يدها من يد كمال ....حاولت وحاولت وحاولت ....الا انه كان قابضا متمسكا بها بضرواة.....
هتفت امه من خلفه حانقة مغتاظة
سيب ايدها يا سبع الرجال يا ولهان ....سيب ايدها وإلا قسما عظما هقوم اسحبك برا البيت ومفيش جواز ....بدل الفضايح كل شوية
تحرك كمال كالملدوغ ليترك يد رضا سريعا وأسرع ناحية وداد هاتفا پغضب
ماما ....انتي معايا ولا معاها ....دا انا ما صدقت تسلم عليا ....عمي لو سمحت عاوز اتجوز الخميس الجاي بالمرة كدا وإلا
مصمصت وداد شفتيها پقهر وهتفت وهى تنظر ناحية حمدي
استاذ حمدى ...يشرفني اخطب بنتك رضا للمعتوه كمال ابني ....وبصراحة الجواز شرط أساسي يوم كتب الكتاب...والا قد اعذر من انذر...يهمني نستر ابننا قبل ما الدنيا تخرب من حوالينا
رفع حمدى حاجبيه للأعلي في دهشة شديدة وأشار لرضا لتقترب منه وتجلس بجواره ولكن تحركت وداد لتحتضن رضا بحب حقيقي وهتفت بسعادة
قمر ما شاء الله....بنت اصول حقيقي يا بنتي....كمال مقلش انك بالرقة والجمال والهدوء والأدب دا كله 
تمتمت رضا بتأثر شديد وهى تشعر بدفء حضڼ وداد وتقارن في نفسها بينها وبين عمتها 
ربنا يبارك فيكي يا طنط ...حضرتك كلك ذوق
ارتسمت الحسړة على وجه وداد وهتفت 
يا بنتي يا حبيبتي ....كدا غلط ..الأدب الزايد دا مينفعش مع

كمال ابني ....اتعودى يا ضنايا علي وقاحته وخصوصا وهو بيعشقك پجنون
ارتعشت رضا بشدة ورفعت عيناها لكمال الذي لم ينزل عينيه عنها حتي انها تساءلت هل هو سجلها لقطة ثابته فعينيه تقريبا لا ترمشان....
همس كمال وهو يقف ناظرا لرضا محدثا والدها ..
ممكن يا عمي اخرج مع رضا في البلكون شوية نتفق على شوية تفاصيل وربنا يتمم بخير والف الف مبروك
صړخت وداد مع حمدى في نفس واحد 
لا مستحيل ....اقعد مكانك ....اياك تتحرك يا ولد
حاولت فاتن التحرك للأعلي بسرعة لتصطدم بقوة بشخص يقف بالقرب من باب شقتهم وهتفت بحدة 
مش تفتح يا أخ ...ايه اللي موقفك هنا قدام شقتنا بالطريقة دى 
رفع آسر حاجبيه بترفع وهتف ببرود كعادته 
كنت عاوز اعرف الضيوف اللي جوا دول ايه حكايتهم شكلهم ميطمنش ....اية متقدملك عريس غيري يا آنسة 
هزت فاتن رأسها في غيظ شديد وهتفت بنبرة خافته حتي لا تثير جلبة يسمعها الضيوف 
وانت مالك عريس ليا او مجرد ضيوف ...شئ ميخصكش يا استاذ يا محترم
جز آسر علي أسنانه وهتف بغيظ أسعد فاتن كثيرا انها استطاعت كسر قشرة بروده
ازاي ميخصنيش يا أنسه فاتن ...اولا انا جارك وصديق للعايلة من زمان...واتقدمت لخطبة سيادتك و مستني ردك لحد دلوقتي
رفعت فاتن حاجبها بدهشة وهتفت 
رد ايه يا أستاذ ...اظن ردى وصلك من أول زيارة .. ولا انت متعرفش كلمة كل حاجة قسمة ونصيب معناها ايه معناها مرفوض يا آسر مرفوض
هلل آسر سعيدا وهتف بسعادة 
اها شفتي ...اول التقارب شيلتي التكليف وندهتيلي باسمي زى صوفي بالضبط...يبقي أكيد هتوافقى قريب واثق من كدا
نظرت اليه فاتن وهي تشعر ببوادر الشلل النصفي او جلطة علي أقل تقدير وهتفت من بين أسنانها 
يا اخي ارحمني وأتجوز صوفي بتاعتك ...هي أولي مني ...وانا مسامحاها والله مبروك عليها انت
هتف ببرود مرة أخرى 
ماما رافضة اتجوز أجنبية....وبصراحة عندها حق...وبصراحة انتي عاجبني وبصراحة ...هتتجوزيني بقوة الزن....انا جربت قوة الزن الخارقة دى في البلد وبالذات مع والبياعين والبنات والستات...يبقي خلينا في قوة الزن 
كادت أن تصرخ فيه فاتن من شدة الغيظ لينزل شخص ملامحه مألوفة من الدور الأعلى ويفاجأ بفاتن وآسر ...فيكلم فاتن متحمسا 
الست فاتن ...يادي الهنا يادي السرور ...عامل ايه اكل الست الوالدة وبالذات محشي ورق العنب وصينيه البطاطس ولا الفراخ المشوية ...يا سلام وحشني اكلها اقصد وحشتوني كلكم ...طبعا بتسألي انا هنا ليه ...انا كنت عند خطيبتي اسمها حنين ساكنة في الدور السادس ...بنت ايه حتة طباخة مفيش منها اتنين...ندمانة عليا اكيد ...طبعا هو في زيك يا ابو السيد ...انتي اللي ضيعتي فرصة جوازك مني....وللأسف ميفدش الندم حاليا ... بس ممكن لو وعدتيني بفرختين علي الفحم وطبق كفتة وشوية سلطات افكر ....ألا هو الأستاذ دا مين يا ست فاتن
ظهرت الدموع في أعين فاتن وهتفت بتأثر شديد
الأستاذ دا يبقي مختص السلالم الجديد