ريم بقلم عبير سليم
باركيله
ريم حاضر يا رنا
تحكي ريم لمامتها اللي حصل و مامتها تقولها عادي مفيهاش حاجه تروح و تباركله و فعلا تلبس ريم فستان بسيط و تلف حجابها على شعرها و تروح عندهم و قلبها بيدق جامد مش مستوعبه انها حتشوفه و هو معاه عروسته
تفتح لها رنا الباب و تحضنها و تدخل ريم و تلقي عليهم التحيه و كلهم يردوا عليها و اول ما عينها تقع عليه تحس ان قلبها حيخرج من بين ضلوعه لكنها تحاول تسيطر على نفسها عشان محدش يلاحظ حاجه
تلاقيه بيبتسم لها فتقرب عليه و تمد له ايدها ازيك يا مستر الف مبروك لحضرتك
يوسف الله يبارك فيكي يا ستي و لو اني زعلان منك على فكرة كده بردو متجيش فرحي
تبص لمراته و تلاقيها بتبتسم لها فتسلم عليها و تباركلها ألف مبروك يا ميس سوزان
سوزان الله يبارك فيكي يا ريم عقبال ما نفرح بيكي انتي و رنا يا حبيبتي
تقعد ريم و يبدأ الكلام بين الكل و ريم بتشاركهم الحوار و عينها على يوسف اللي طول ما هو قاعد ايده فايد عروسته و محاوط كتفها بايده التانيه و واضح عليه حبه ليها
يوسف عاوزكم تستعدوا بقى ان شاء الله اسبوعين والدروس حتبدا
رنا يا ربي يا ابيه هو احنا لحقنا
يوسف المنهج مليان يا روني
ريم هو احنا حناخد الدرس فين يا مستر
تحس برعشه بتجري في جسمها بمجرد ذكره لكلمة حبيبتي فتحاول إنها تهدي نبضات قلبها ناحيته
و تاخدها رنا و يدخلوا اوضتها عشان يقعدوا مع بعض براحتهم اما سوزان فكانت بتتكلم مع مامت يوسف و باباه عسوله أوي ريم
رقيه والدة يوسف ريم دي ست البنات دي متربيه على أيدي و غلاوتها من غلاوة رنا
يوسف بس عفريته مجننه المدرسين بشقاوتها
والده بس الصراحه عسل و تقعدي معاها متبطليش ضحك
سوزان أيوة مانا عارفاها اوقات بدخل لهم حصه احتياطي و بشوفها و هي بتتكلم عسوله اوي بس على كده شاطره يا يوسف
رقيه ربنا معاها هي و رنا يارب عاوزاك تشد عليهم السنه دي يا يوسف
يوسف ان شاء الله يا ماما
يرجع يوسف البيت هو و سوزان و اول ما يدخلوا تلاقيه بيحضنها وحشتيني اوي
سوزان هههههههه يا بكاش مع احنا مع بعض اهوه يبقى ازاي وحشتك
يوسف مش ام كلثوم بتقول واحشني و انت قصاد عيني
سوزان يا حبيبي يا يوسف انت بتحبني اوي كده
يوسف يا لهوي عالستات يعني بزمتك مش عارفه اني بحبك
سوزان عارفه طبعا بس بحب اسمعها منك دايما
يوسف بحبك بحبك بعشقك يا قمري
يدوبوا مع بعض فلحظات مليانه بالحب و العشق و الغرام لحظات ينسوا فيها الدنيا كلها و يعيشوا أجمل لحظات في العمر
بعد مرور اسبوع في السنتر التعليمي
تقعد رنا و جمبها ريم منتظرين وصول يوسف للدرس
تسمع ريم تلميذه وراها بتتكلم مع اللي جمبها يا ترى مستر يوسف شكله حيبقى ايه بعد ما اتجوز بقى
صاحبتها يعني حيحط روج يا سها اكيد شكله عادي يعني ده راجل تلاقي ميس سوزان بقى هي اللي احلوت اوي
سها ميس سوزان الصراحه حلوة من قبل ما تتجوز و اجمل مدرسه في المدرسه ده اول ما جت عندنا مستر يوسف خطبها على طول خاف حد ياخدها منه
مستر يوسف دخل اهوه
يتفاجئ يوسف بالطلاب كلهم بيصقفوا له و بيباركوله عالجواز و هو يفرح اوي بحب الطلبه ليه الله يبارك فيكم يا شباب عقبال ما افرح بيكم و بنجاحكم يارب
و عينه تقع على ريم و اخته رنا و هما قاعدين جمب بعض فيبتسم ليهم و يبدأ الشرح
ريم طول ما هو بيشرح و هي سرحانه و مش مركزة و هو اخد باله انها مش مركزة في الشرح ياريت اللي سرحان يركز معايا عشان حسال دلوقتي
تحس انه بيوجه الكلام ليها فتحاول انها تركز معاه في الشرح و بعد ما ينتهي الدرس ياخدها هي و رنا معاه في عربيته عشان يوصلهم على طريقه
و اول ما يوصل ادام بيتهم ريم مش
عاوز اشوفك سرحانه تاني عشان مزعلش منك
ريم حاضر و انا اسفه مش حتتكرر تاني
تنزل ريم و تدخل بيتهم
يوسف رنا هي ريم مالها
رنا مش عارفه و الله يا ابيه بس هي بقالها فتره حساها متغيره و على طول سرحانه
يوسف هو في حد من الشباب شاغلها
رنا ريم لاء خالص و الله و ريم مش بتاعة الكلام ده يا ابيه ما حضرتك عارفها
يوسف طبعا يا حبيبتي عارفها و عارف أخلاقها لكن انتوا فمرحلة مراهقه و جايز جدا ان مشاعرها تكون راحت لحد من الشباب اللي معاها و انا خاېف عليها انتي عارفه غلاوتك عندي
رنا عارفه يا ابيه و الله انك بتحبها اوي و خاېف عليها بس انا عاوزاك من الناحيه دي تطمن خالص بس انا بردو لازم اعرف مالها و ايه اللي مغيرها
يوسف خليكي معاها يا حبيبتي هي بتحبك اوي
رنا و انا بحبها اوي يا ابيه ريم دي اختي
يوسف ربنا يخليكم لبعض
ياللا بقى اوصلك عشان اروح
رنا اه طبعا عاوز تجري عالمزة بتاعتك
يوسف المزة ايه الكلام ده
رنا هي دي الموضه يا ابيه
يوسف ههههههه ماشي يا ستي بس بصراحه ايوه وحشتني اوي
رنا طب مفيش بيبي كده جاي في السكه
يوسف بيبي لا يا ستي لسه بدري هو احنا لحقنا انتي كمان
رنا بصراحه بقى نفسي اوي يبقى عندنا نونو صغير و العب معاه
يوسف ان شاء الله يا حبيبتي
تمر الأيام و الأمور مستقره يوسف سعيد في حياته مع سوزان و عايشين احلى ايام حياتهم و ريم بتحاول طول الوقت انها تقنع نفسها انها معيشه نفسها فوهم و انها اكيد حتنساه بس حتنساه ازاي و هو طول الوقت ادام عينيها في المدرسه و في السنتر
و فيوم من الايام و يوسف خارج من الحصه يلاقي البنات بيجروا عليه الحق يا مستر يوسف
يوسف في إيه يا بنات
البنت ميس سوزان اغمى عليها في الطرقه و المدرسين ودوها عند الدكتورة
يجري يوسف و يلاقي المدرسات جنبها و هي نايمه عالسرير مالك يا حبيبتي في ايه
الدكتورة ألف مبروك يا يوسف سوزان حامل
يوسف بفرحه إيه حضرتك بتتكلمي بجد
زميلتها طبعا جد ده انا اللي خرجت بنفسي و جيبتلها اختبار الحمل الف مبروك يا يوسف
يوسف يعني أنا حبقى اب
سوزان مبسوطه اوي و بتضحك على رد فعل يوسف
زميلاتها يضحكوا و يباركولهم و يوسف و سوزان فرحتهم كانت كبيره اوي و كل المدرسين في المدرسه باركولهم و فرحوا عشانهم و لما واحده زميلتهم زغردت في المدرسه الخبر انتشر و كل الطالبات عرفوا ان ميس سوزان حامل
و طلعت رنا تجري على اخوها و فضلت تحضن و تبوس فيه و هي فرحانه اوي ان اخوها حيجيب لهم نونو اما ريم كانت مشاعرها مختلطه ما بين الفرحه ليوسف انه حيكون اب و ما بين حزنها على حبها ليه لكن فرحتها لفرحته هي اللي طغت عليها و باركتله الف مبروك يا مستر يوسف
يوسف الله يبارك فيكي يا ريم يااه انا مش مصدق نفسي و الله اني حبقى اب
ريم حتبقى أحلى اب في الدنيا كلها يا مستر
مرت الأيام و يوسف اهتمامه بسوزان كبير اوي مكنش بيخليها تعمل حاجه و بېخاف عليها من اقل مجهود كان بيجيب لها واحده تعمل لها الشقه و الأكل و اوقات كتير مامته كانت بتعملهم اكل و تبعته مع رنا
و المديره كانت بتريحها في الجدولو بتخليها تخلص حصتها و تروح على طول و يوسف يخلص شغله و يجري عليها يفضل قاعد معاها يحب فيها هههههههه يا حبيبي انا كده أخلاقي حتبوظ
يوسف حبيبة قلبي حقها تدلع زي ما هي عاوزة
سوزان طب قللي بقى نفسك في ولد و اللا بنت
يوسف اي حاجه كل اللي يجيبه ربنا كويس المهم انتي و البيبي تقومولي بالف سلامه
سوزان طب حنسميه ايه
يوسف لو ولد حسميه على اسم بابا محمد
سوزان الله احلى الأسماء عليه افضل الصلاة والسلام
يوسف عليه الصلاة والسلام
سوزان و لو بنوته
يوسف سميها انتي بقى يا ستي عشان تبقى قسمة العدل
سوزان هههههه ماشي بص بقى لو بنت نفسي اوي اسميها وعد
يوسف وعد يوسف
سوزان وعد يوسف لسوزان انه حيفضل يحبها العمر كله
يوسف يا حبيبتي يا سوزان و انا وعدتك و بوعدك يا حبيبتي انك حتفضلي حبيبة قلبي العمر كله يا ست الكل ربنا يخليكي لية و تقوميلي بالف سلامه يا رب
الحلقه الثانيه
تمر الأيام بسرعه و ييجي امتحان آخر السنه
يدخل اللجنه صباح الخير يا نسمه
نسمه زميلته صباح النور يا يوسف عامل ايه
يوسف منمتش طول الليل و الله سوزان كانت تعبانه و فضلت سهران معاها لحد ما بقت كويسه
نسمه ربنا يكملها على خير يارب و تقوملنا هي و النونه بالف سلامه
يوسف يارب يا نسمه متعرفيش انا بحلم باليوم اللي اشيل فيه بنتي على أيدي ازاي
نسمه ياااه يا يوسف فكرتني بعلاء لما كنت حامل في تسنيم كان بيقول زيك كده
و لما ولدتها مكنش بيرضى يقوم من جمبها كان بياكل و هو شايلها و ينام و هي فحضنه ده مرة اشتغل درس و هي على كتفه
و اول ما جه مازن قاللي امك في العشه و اللا طارت خدي عيالك و روحوا ناموا في اي حته حرام عليكم عندي شغل الصبح عاوز انام
يوسف هههههههه عسل وربنا يا نسمه
نسمه مانا شايفاك واخداك الجلاله قلت افوقك عالحقيقه اللي حتعيشها بعد كده المهم بقى انت معندكش لجنه و اللا إيه
يوسف لاء احتياطي
رنا و ريم شفتي ورقتهم
نسمه أيوة بصيت عليهم حلين كويس اطمن و لو عاوز تبص عليهم انت كمان بس بسرعه الله يخليك أحسن أم أربعه و أربعين تمر و تطين عيشتنا
يوسف قصدك المديره هههههه اطمني الوضع تحت السيطرة
يدخل اللجنه و يسلم على زميله اللي كان قاعد على كرسي في آخر اللجنه
صباح الخير يا بنات
البنات صباح النور يا مستر
يوسف الامتحان كويس
البنات تمام يا مستر
يروح عند رنا و يقلب بسرعه في ورقتها و يطمن انها مجاوبه كويس و بعد كده يروح لريم اللي كانت آخر واحده في اللجنه و قاعده جمب الحيطه و يمسك ورقتها و يطمن عليها و يبصلها و يضحكلها و يشكر زمايله و يخرج من غير ما يقوللهم حرف هو بس كان عاوز يطمن انهم مجاوبين كويس مش اكتر
ينتهي الامتحان و كل البنات يجروا على يوسف عشان يطمنوا منه و
