حقيقه عدم تمثيل الفنانه عبله كامل تاني توقع ولا معلومه!! تابعوا التفاصيل
- قولت إن عبله كامل مش هتمثل تاني ده توقع ولا معلومه
= توقع أقرب للمعلومه
- بتكلمها؟
= لا للأسف بس إحنا إخوات و صحاب جداً بس من فتره جاتلي الشركه سلمت عليا بس انا استشعرت انها مش هتمثل تاني بس أقسم بالله ما قالتلي حاجه.. بس هقولك هي حتى في عز ما كنا بنشتغل مع بعض ريا و سكـ ـينه كان صعب تكلميها في التليفون و ترد عليكي فاللي هي فيه ده مش جديد عليها
- ليه؟
= هي دي طبيعتها و مشغله عندها ناس في البيت على الله كدا يعني تكلميها لو ردت تقوليلها يا بنتي مدام عبله موجوده تقولك معرفش اما ابقا اشوف.. فده الوضع اللي كان بيحصل و هي بتمثل معانا ما بالك وهي مش بتمثل
- يعني محدش معاه تليفونها ولا عنوان بيتها؟
= لا كل الناس معاها تليفونها بس هي مش هترد على حد لأن من ساعة ما جابت تليفونها مش بتفتحه وهي دي طبيعتها اللي اعرفها عليها.. هي انزوت في هدوء رائع و نبل كدا و مفيش اجمل منها كممثله الحقيقه و حتى لما انسحبت و مبقتش تمثل انسحبت في هدوء و في نُبل كدا و على فكره اخر اربع خمس مسلسلات عملتلهم صعيدي قاصده عشان تبقا محجبه و مع ذلك عمرها ما قالت عالفن حرام لانها فنانه خاصه جداً و مفيش شبه عبله كامل إلا عبله كامل
